សហរដ្ឋអាមេរិក ៖ ព្យុះ FLORENCE ដែលសម្លាប់មនុស្សជាច្រើននាក់ រួចហើយនៅតំបន់ឆ្នេរសមុទ្រអត្លង់ទិកអាមេរិក នាថ្ងៃទី១៥ កញ្ញា នាំឲ្យមានភ្លៀងធ្លាក់យ៉ាងខ្លាំង រារាំងប្រជាជនភៀសខ្លួនចេញពុំអាចវិលត្រឡប់ចូលផ្ទះសម្បែងវិញ។
លោក ROY COOPER អភិបាលរដ្ឋការូលីនខាងជើង ជារដ្ឋរងការប៉ះពាល់ខ្លាំងជាងគេដោយសារព្យុះនេះ បានព្រមានពីភ្លៀងធ្លាក់ខ្លាំងបំផុតដែលអាចបង្កនូវគ្រោះមហន្តរាយ។
ព្យុះ FLORENCE បើតាមអាជ្ញាធរថា បណ្ដាលឲ្យមនុស្សស្លាប់យ៉ាងតិច១៣នាក់ នៅការូលីនខាងជើង និងខាងត្បូង។ ហើយខ្យល់បោកបក់ខ្លាំង ព្រមទាំងភ្លៀងខ្លាំង បណ្ដាលឲ្យមានការខូចខាតច្រើន ចំណែកផ្លូវថ្នល់នានាបានដាច់ បណ្ដាបង្គោលភ្លើង និងដើមឈើរលំបាក់ផងដែរ។
តាមមូលដ្ឋានជាច្រើននៅរដ្ឋការូលីនទាំង២ នាថ្ងៃទី១៥ កញ្ញា បានបន្តជម្លៀសមនុស្សចេញបង្ការទឹកជំនន់អាក្រក់។ ហើយព្យុះនោះនឹងបណ្ដាលឲ្យមានទឹកជំនន់យ៉ាងអាក្រក់នៅតាមតំបន់នានានៃរដ្ឋការូលីនខាងជើង និងរដ្ឋការូលីនខាងត្បូង មួយរយៈពេលទៀត៕
ចែករំលែកព័តមាននេះ