ខេត្តកំពង់ស្ពឺ ៖ សកម្មភាពដឹកជញ្ជូនឈើរបស់ក្រុមឈ្មួញហាក់បីដូចជាមិនថមថយទាល់តែសោះ នឹងរឹតតែសកម្មជាងមុនទៅទៀត ដោយឈ្មួញខ្លះហា៑នដេញថ្លៃយកច្រកចេញឈើតែឯងទៀតផង ដូចជាច្រកអូរត្រាវដែលជាច្រកសំខាន់រវាងខេត្តកំពង់ស្ពឺនិងពោធិ៍សាត់តែម្តង។
ជារៀងរាល់ថ្ងៃក្រុមឈ្មួញដែលជាអ្នកទំលាក់លុយឱ្យគេកាប់ព្រៃឈើ ដើម្បីយកមកលក់ឱ្យខ្លួនត្រូវបានដឹង និងស្គាល់ថា មានឈ្មោះណុប ឌី ជាឈ្មួញដ៏ធំប្រចាំស្រុកឱរ៉ាល់ ហើយឈ្មួញម្នាក់នេះមានសម្ព័ន្ធភាពជិតស្និតជាមួយប៉េអឹមស្រុកជំនាញពាក់ព័ន្ធតាមដងផ្លូវ ជាពិសេសគឺ នាយកដែនជំរកសត្វព្រៃភ្នំឱរ៉ាក់តែម្តង។
គេសង្កេតឃើញថា ជារៀងរាល់ថ្ងៃការដឹកជញ្ជូនឈើយកទៅលក់ជាបទល្មើសព្រៃឈើដែលប្រមុខថ្នាក់ដឹកនាំបាននិងកំពុងយកចិត្តទុកដាក់ រហូតបង្កើតឱ្យមានក្រុមបង្ក្រាបបទល្មើសធន់ធានធម្មជាតិនេះទៀតផង តែជាលទ្ធផលចំពោះខេត្តកំពង់ស្ពឺហាក់បីដូចជាមិនមានប្រសិទ្ធភាពទាល់តែសោះ។
ឈើដែលឈ្មួញដឹករៀងរាល់យប់ គឺភាគច្រើនជាឈើដែលមាននៅក្នុងតំបន់ដែនជម្រកសត្វព្រៃភ្នំឱរ៉ាល់ ខេត្តពោធិ៍សាត់។ ហើយការបំផ្លាញព្រៃឈើរបស់ក្រុមឈ្មួញគឺហាក់ដូចជាបើកយុទ្ធនាការចុងក្រោយក្នុងការបំផ្លាញព្រៃឈើដែលនៅសេសសល់តិចតួចយ៉ាងដូច្នោះដែរ ។
ព័ត៌មានពិស្តានឹងមានផ្សាយជូននៅលើកាសែតកោះសន្តិភាព
ចែករំលែកព័តមាននេះ