អីយ៉ាស់លោកតា! ជិះកង់បណ្តើរ លេងទូរស័ព្ទ៩គ្រឿងបណ្តើរ (មានវីដេអូ)
ចិន ៖ តាមប្រភពព័ត៌មាន Oddity Central បានឲ្យដឹងថា លោកតាម្នាក់អាចនឹងជាអ្នកវក់នឹងលេងហ្គេម Pokemon Go ខ្លាំងជាងគេ…
ចិន ៖ តាមប្រភពព័ត៌មាន Oddity Central បានឲ្យដឹងថា លោកតាម្នាក់អាចនឹងជាអ្នកវក់នឹងលេងហ្គេម Pokemon Go ខ្លាំងជាងគេ…
ចិន ៖ តាមប្រភពព័ត៌មាន Oddity Central បានឲ្យដឹងថា លោកតាម្នាក់អាចនឹងជាអ្នកវក់នឹងលេងហ្គេម Pokemon Go ខ្លាំងជាងគេ ព្រោះថា គាត់ចំណាយពេលមួយថ្ងៃ២០ម៉ោង មួយសប្តាហ៍៦ថ្ងៃ និងប្រើទូរស័ព្ទសម្រាប់លេងហ្គេមម្តង៩គ្រឿង។ តាមពិតទៅហ្គេមនេះ ល្បីបានមួយឆាវកាលពី២ឆ្នាំមុន ហើយមកដល់ពេលនេះវាក៏ខ្សត់អ្នកលេងដែរ។ ទោះបីជាអ៊ីចឹងក៏ដោយ ក៏លោកតានៅតែលេងដូចបរិភោគអាហារ។
លោកតា Chen Sanyuan អាយុ៧០ឆ្នាំ នៅទីក្រុងតៃប៉ិ ជារៀងរាល់ថ្ងៃតែងតែជិះកង់ចុះឡើងៗ ដោយភ្ជាប់ទូរស័ព្ទស្មាតហ្វូនចំនួន៩គ្រឿងទៅនឹងដៃចង្កូត។ ទូរស័ព្ទទាំងនេះ ទទួលថាមពលពី Power Bank ចំនួន៩ផ្សេងៗគ្នា ដើម្បីអាចឲ្យលោកតាលេងហ្គេមបានជាង២០ម៉ោង។
លោកតាបានចំណាយពេលទាំងយប់ទាំងថ្ងៃ ដើម្បីធ្វើយ៉ាងណាឲ្យសត្វរបស់លោកតាឡើង Level និងអាចរកសត្វឲ្យបានច្រើន។ មិនត្រឹមតែប៉ុណ្ណោះ លោកតា Chen បានចំណាយប្រាក់ជាង១៥០០ដុល្លាក្នុងមួយខែ ដើម្បីទិញរបស់នៅក្នុងហ្គេម ក៏ដូចជាចំណាយទៅលើទូរស័ព្ទ និង Powerbank។ លោកតាក៏គ្រោងនឹងទិញទូរស័ព្ទបន្ថែមឲ្យបានគ្រប់១១គ្រឿងផងដែរ។
គួរបញ្ជាក់ផងដែរថា ហ្គេមនេះល្បីខ្លាំងណាស់កាលពី២ឆ្នាំមុន ដល់ថ្នាក់ថា យុវជនខ្មែរយើងជាច្រើនដើរកាន់ទូរស័ព្ទចាប់សត្វក្នុងហ្គេមនៅមុខវាំង និងមាត់ទន្លេ។ មកដល់ពេលនេះ គ្មាននរណាសូវលេងទេ ទាំងស្រុកយើង និងស្រុកគេ។ វាពិតជាចម្លែកណាស់ ដែលលោកតាខាងលើនៅលេងវក់បែបនេះ៕ វីដេអូដកស្រង់ចេញពី ៖ EXP.GG TW
ចែករំលែកព័តមាននេះ