ទឹកល្ហុងផ្ទុកទៅដោយជាតិរ៉ែ និងវីតាមីនទាំងអស់ ហើយវាក៏គ្រប់គ្រាន់សម្រាប់ផ្តល់សុខភាពល្អផងដែរ ។ យកល្អបើសិនជាអ្នកចង់ញ៉ាំទឹកល្ហុង គួរតែធ្វើវាដោយខ្លួនឯងទើបជារឿងល្អ។ អត្ថប្រយោជន៍ចំពោះសុខភាពក្នុងការញ៉ាំទឹកល្ហុង៖ ១-បង្ការជំងឺមហារីក ៖ ទឹកល្ហុងត្រូវបានគេរកឃើញថា…
ទឹកល្ហុងផ្ទុកទៅដោយជាតិរ៉ែ និងវីតាមីនទាំងអស់ ហើយវាក៏គ្រប់គ្រាន់សម្រាប់ផ្តល់សុខភាពល្អផងដែរ ។ យកល្អបើសិនជាអ្នកចង់ញ៉ាំទឹកល្ហុង គួរតែធ្វើវាដោយខ្លួនឯងទើបជារឿងល្អ។ អត្ថប្រយោជន៍ចំពោះសុខភាពក្នុងការញ៉ាំទឹកល្ហុង៖
១-បង្ការជំងឺមហារីក ៖ ទឹកល្ហុងត្រូវបានគេរកឃើញថា មានប្រសិទ្ធភាពខ្លាំងក្នុងការបង្ការជំងឺមហារីក ជាពិសេសមហារីកពោះវៀនធំ ។ នេះដោយសារតែ ល្ហុងមានជាតិសរសៃខ្ពស់ ដែលអាចទប់ស្កាត់សារធាតុពុលបង្កមហារីកកុំឲ្យតោងជាប់នឹងកោសិកាពោះវៀនធំបាន ។ ជាមួយគ្នានេះដែរសារធាតុ Lycopene ក្នុងផ្លែល្ហុងនឹងជួយបង្ការមហារីកថែមទៀត ។
២-គ្រប់គ្រងកូឡេស្តេរ៉ូល ៖ ផ្លែល្ហុងអាចជួយគ្រប់គ្រងមូលហេតុដ៏សំខាន់របស់ជំងឺបេះដូងបាន នោះគឺកូឡេស្តេរ៉ូល ។ ការញ៉ាំទឹកល្ហុងយ៉ាងហោចណាស់ ២ដងក្នុងមួយថ្ងៃ អាចបន្ថយការកកកុញរបស់កូឡេស្តេរ៉ូលក្នុងខ្លួនបាន ។
ដោយសារតែអង់ទីអុកស៊ីដង់ និងវីតាមីនC របស់ផ្លែល្ហុង វានឹងមិនឲ្យកូឡេស្តេរ៉ូលកកកុញក្នុងរាងកាយបានឡើយ ។ ទឹកល្ហុងជួយបន្ថយការប្រឈមនឹងជំងឺស្លោកសាច់ដុំបេះដូង និងជំងឺលើសសម្ពាធឈាម ។
៣-សុខភាពភ្នែក ៖ ក្រៅពីអង់ទីអុកស៊ីដង់ខាងលើ ផ្លែល្ហុងផ្ទុកទៅដោយអង់ទីអុកស៊ីដង់ផ្សេងពីរទៀត ដែលមានតម្លៃក្នុងការការពារភ្នែក នោះគឺ Zeaxanthin និង Lutein ដែលវាមានយ៉ាងច្រើនក្នុងភ្នែកមនុស្សយើង ។ វានឹងជួយការពារភ្នែកពីការខូចខាតដោយសារតែពន្លឺពណ៌ខៀវខ្លាំង និងកាំរស្មីយូវី ។
Zeaxanthin និង Lutein ត្រូវបានគេដឹងថា មានប្រយោជន៍ក្នុងការជួយបន្ថយការប្រឈមនឹងជំងឺ Macular Degeneration ដែលកើតឡើងដោយសារចាស់ទៅតាមអាយុ ហើយក៏ជាមូលហេតុចំបងដែលនាំឲ្យខ្វាក់ភ្នែកដែរ ។
៤-សុខភាពបេះដូង ៖ ល្ហុងផ្ទុកទៅដោយអង់ទីអុកស៊ីដង់ដ៏មានប្រយោជន៍ដូចជា Lycopene និង Beta-carotene ដែលវានឹងធ្វើការទាំងអស់គ្នាដើម្បីបង្ការការធ្វើអុកស៊ីតកម្មកូឡេស្តេរ៉ូលក្នុងប្រព័ន្ធបេះដូងសរសៃឈាម ហើយវាក៏ត្រូវបានគេជឿថា ជាហេតុនាំឲ្យកើតជំងឺបេះដូង និងបញ្ហារបត់ឈាមផ្សេងៗទៀត ។
គ្រាន់តែទឹកល្ហុង ស្រស់ៗមួយកែវគឺមានសារធាតុ Folate ដ៏ខ្ពស់ហើយ ក្នុងការជួយសម្រួលដល់កម្រិត Homocysteine ក្នុងចរន្តឈាម ។ ការឡើងខ្ពស់នៃសារធាតុមួយនេះអាចធ្វើឲ្យខូចខាតសរសៃឈាម ដែលត្រូវបានគេដឹងថា ជាកត្តាប្រឈមនឹងជំងឺបេះដូង ។
៥-សុខភាពស្បែក ៖ វីតាមីន C ដ៏ខ្ពស់ក្នុងទឹកផ្លែល្ហុងអាចជួយជំរុញដល់ការផលិតកូឡាជែន សម្រាប់ថែរក្សាភាពរឹងមាំរបស់ស្បែក ។ កូឡាជែនគឺជាសារធាតុប្រូតេអ៊ីនតភ្ជាប់ដ៏សំខាន់មួយក្នុងការជួយថែរក្សាស្បែកឲ្យមើលទៅក្មេងវ័យ និងរឹងមាំ ។ នៅពេលវាខូចខាតច្រើនពេក ឬមិនមានការផលិតគ្រប់គ្រាន់ ភាពជ្រីវជ្រួញ អាចនឹងកើតមាន (ប្រភពពី៖ Health.com.kh)៕
ចែករំលែកព័តមាននេះ