តាមប្រភពព័ត៌មាន Metro បានឲ្យដឹងថា តារាចម្រៀងល្បីក្នុងស្រទាប់យុវវ័យ Justin Bieber ត្រូវបានរាយការណ៍មកថាបានដាក់ពាក្យស្នើសុំយកសញ្ជាតិអាមេរិក នៅមុនពេលរៀបការជាមួយនឹងគូដណ្ដឹង Hailey Baldwin…
តាមប្រភពព័ត៌មាន Metro បានឲ្យដឹងថា តារាចម្រៀងល្បីក្នុងស្រទាប់យុវវ័យ Justin Bieber ត្រូវបានរាយការណ៍មកថាបានដាក់ពាក្យស្នើសុំយកសញ្ជាតិអាមេរិក នៅមុនពេលរៀបការជាមួយនឹងគូដណ្ដឹង Hailey Baldwin ។
តារាចម្រៀងអាយុ២៤ឆ្នាំរូបនេះបានកើតនៅ Ontario ប្រទេសកាណាដាតែបានរើទៅនៅ Atlanta ប្រទេសហ្សកហ្ស៊ី នៅអាយុ១៣ឆ្នាំ ។ តាំងពីពេលនោះមកគេក៏រស់នៅសហរដ្ឋអាមេរិក រហូតមកដល់សព្វថ្ងៃ ។
តាមព័ត៌មាន TMZ បានឲ្យដឹងថា Justin ដាក់ពាក្យស្នើសុំយកសិទ្ធិមានសញ្ជាតិពីរ ដើម្បីឲ្យក្លាយជាប្រជាជនរបស់អាមេរិក ខណៈដែលមានសញ្ជាតិជាកាណាដា ។ Justin សព្វថ្ងៃមាន Green Card ដូចនេះហើយរូបគេមានសិទ្ធិរស់នៅអាមេរិក ។ នៅពេលបន្ទាប់ទៀតគេនឹងត្រូវធ្វើតេស្តសមត្ថភាពក្នុងនិយាយភាសាអង់គ្លេស និងតេស្តចំណេះដឹងពីប្រវតិ្តសាស្ត្រ និងការដឹកនាំរបស់អាមេរិក ។
នៅពេលខាងមុខ គេនឹងទទួលការឆែកមើលប្រវត្តិផ្ទាល់ខ្លួនដោយក្រុម FBI មុនពេលឲ្យជាសញ្ជាតិអាមេរិក ។ ក្រោយពីបានសញ្ជាតិហើយរូបគេនឹងអាចមានសិទ្ធិក្នុងការបោះឆ្នោត និង អាចមានសិទ្ធិធ្វើការងាររដ្ឋ និងដឹកនាំនយោបាយបានផងដែរលើកលែង តែឡើងធ្វើជាប្រធានាធិបតី ឬប្រធានាធិបតីរង ។ រយៈពេល២ខែ ក្រោយពិធីភ្ជាប់ពាក្យគូស្នេហ៍ទាំងពីរត្រូវបានគេថតបានពេលនៅក្នុងតុលាការទីក្រុងញ៉ូវយ៉ក ដើម្បីសុំសំបុត្រអាពាហ៍ពិពាហ៍ ។
មានពាក្យចចាមអារាមមួយចំនួនលើកឡើងថា Justin និងHailey បានរៀបការក្នុងលក្ខណៈតូចរួចមកហើយ ។ តែខាងស្រីបានបដិសេធទៅលើពាក្យចចាមអារាមនេះដោយសរសេរលើ Twitter ថា នាងមិនទាន់រៀបការទេ ៕
ចែករំលែកព័តមាននេះ