គ្រូបង្វឹក Man City ថាគ្មានការលក់ Kevin De Bruyne ក្នុងតម្លៃ ៣២៦លានដុល្លារទេ
តាមប្រភពព័ត៌មាន Telegraph បានឲ្យដឹងថា គ្រូបង្វឹក និងអ្នកចាត់ការក្លិប Manchester City លោក Pep Guardiola…
តាមប្រភពព័ត៌មាន Telegraph បានឲ្យដឹងថា គ្រូបង្វឹក និងអ្នកចាត់ការក្លិប Manchester City លោក Pep Guardiola បានអះអាងថា Man City មិនគិតសោះរឿងលក់ Kevin De Bruyne ក្នុងតម្លៃ ៣២៦លានដុល្លារ ហើយក៏គ្មានដែរ ចំពោះតម្លៃផ្តាច់កុងត្រាសម្រាប់កីឡាករម្នាក់នេះ ។
City ចាត់ទុក De Bruyne ជាកីឡាករចម្បងក្នុងគម្រោងអនាគតរយៈពេលវែង ។ ដូចនេះហើយ គ្មានទេការលក់កីឡាកររូបនេះទៅឲ្យក្លិបណាមួយ ។ កន្លងមក De Bruyne បានទាក់ទាញចំណាប់អារម្មណ៍ពីក្លិបធំៗ ដូចជា Real Madrid និង Barcelona ។
នៅក្នុងបទសម្ភាសន៍ជាមួយនឹងសារព័ត៌មាន Bein Sports លោក Guardiola ច្រានចោលទាំងស្រុង ចំពោះការលើកឡើងថា De Bruyne មានតម្លៃផ្តាច់កុងត្រា ។
លោកមានប្រសាសន៍ថា«ខ្ញុំមិនដឹងថា ថ្លៃផ្តាច់កុងត្រារបស់គាត់ប៉ុន្មានទេ ។ អ្នកព័ត៌មានសួរខ្ញុំថា តើនឹងលក់គាត់ក្នុងតម្លៃ៣២៦លានដុល្លារទេ ហើយខ្ញុំថាទេ ។ ខ្ញុំមិនគិតថា គាត់មានថ្លៃផ្តាច់កុងត្រា នៅក្នុងការចុះកុងត្រារបស់គាត់ឡើយ » ៕
ចែករំលែកព័តមាននេះ