តាមប្រភពព័ត៌មាន Daily Mail បានឲ្យដឹងថា Apple ត្រូវបានគេរិះគន់ទៅលើការឌីហ្សាញទូរស័ព្ទ iPhone ឲ្យធំជ្រុលសម្រាប់ដៃសុភាពនារី ។
អ្នកគាំទ្រសិទ្ធិនារីបានលើកឡើងថា ពួកគេពិតជាខឹងយ៉ាងខ្លាំងចំពោះក្រុមហ៊ុនបច្ចេកវិទ្យា សម្រាប់ការផលិតទូរស័ព្ទដោយគ្មានគិតពីស្ត្រីទាល់តែសោះ ក្រោយពីការប្រកាសថា បញ្ឈប់ការផលិតទូរស័ព្ទ iPhone SE ។
អេក្រង់របស់ទូរស័ព្ទចេញថ្មីរបស់ Apple មានទំហំអេក្រង់ចាប់ពី៥.៨អ៊ីញ ទៅ៦.៥អ៊ីញ ដែលសុទ្ធតែធំជា iPhone SE ទាំងអស់ ។ Apple បានប្រកាសបញ្ឈប់ការផលិត iPhone SE ដែលមានទំហំតូចដែលធ្វើឲ្យនៅសល់តែIPhone ទំហំធំៗ ។ គេអាចនឹងមិនផលិតម៉ូដែលណាដែលមានទំហំតូចនោះទេ នៅពេលអនាគត ។
ក្រុមអ្នកស្ត្រីនិយមលើកឡើងថា ពួកគេឈឺដៃខ្លាំងណាស់នៅពេលប្រើទូរស័ព្ទiPhone6 ។ ទាល់តែ Apple ចេញ iPhone SE មក ទើបពួកគេមានអារម្មណ៍ថា ស្រួលក្នុងដៃពេលបញ្ជា ។ គេអាចនិយាយបានថា iPhone SE គឺសមនឹងឲ្យស្ត្រីប្រើប្រាស់ ។ ដូចនេះការបញ្ឈប់ផលិត iPhone SE អាចមានន័យថា Apple មិនបានយកអ្នកប្រើប្រាស់ជាស្ត្រីមកដាក់ក្នុងចិត្តនោះទេ ៕
ចែករំលែកព័តមាននេះ