នាយកគ្រប់គ្រង Justin Bieber ធ្លាប់គិតថា Justin អាចនឹងស្លា.ប់ កាលពីឆ្នាំ២០១៤
តាមប្រភពព័ត៌មាន Daily Mail បានឲ្យដឹងថា នាយកគ្រប់គ្រង់របស់តារាចម្រៀងល្បី Justin Bieber លោក Scooter Braun…
តាមប្រភពព័ត៌មាន Daily Mail បានឲ្យដឹងថា នាយកគ្រប់គ្រង់របស់តារាចម្រៀងល្បី Justin Bieber លោក Scooter Braun បានសារភាពថា លោកធ្លាប់គិតថា តារាប្រុសម្នាក់នេះអាចនឹងស្លាប់ កាលពីឆ្នាំ២០១៤ ។
នៅចន្លោះឆ្នាំ២០១៣ និង២០១៤ Justin Bieber បានជួបនឹងរឿងអាក្រក់ជាច្រើនដែលមានដូចជា ការចាប់ខ្លួនដោយសារការបង្ករឿង ការបើករថយន្តបំពានច្បាប់ចរាចរណ៍ និងការបំផ្លិចបំផ្លាញទ្រព្យសម្បតិ្តសាធារណៈមួយចំនួនទៀត ។ ដោយសារតែរឿងអាក្រក់ទាំងនេះហើយ ធ្លាប់ធ្វើឲ្យ Braun ភ័យខ្លាចថា Justin អាចនឹងមិនរស់ ។
លោកនាយកបាននិយាយថា៖ «កាលនោះជាពេលដែលខ្ញុំចូលគេងរៀងរាល់យប់ជាមួយនឹងការគិតថា ខ្ញុំអាចនឹងបាត់ Justin Bieber ។ ខ្ញុំគិតថា គេនឹងស្លាប់ ។ ខ្ញុំគិតថា គេចូលគេងហើយមិនបានដឹងខ្លួននៅពេលព្រឹកដោយសារតែមានរឿងច្រើនពេកដែលធ្វើឲ្យខ្លួនប្រាណរ៉ាប់រងមិនបាន »។
កាលនោះលោកនាយក Braun ប្រាប់ឲ្យ Justin ឈប់សម្រាកមួយរយៈពីវិស័យចម្រៀង ហើយផ្តោតលើសុខភាពខ្លួនឯង ។ តែ Justin នៅតែបន្ត ហើយឈរលើលំដាប់កំពូលដដែល ៕
ចែករំលែកព័តមាននេះ