អីយ៉ា! លីញ ភារម្យ ក្លាយជាម្ចាស់កៅអី៤នាក់ម្នាក់ទៀតហើយ
- ភ្នំពេញ
រាជធានីភ្នំពេញ ៖ ក្នុងព្រឹត្តិការណ៍ជើងឯកការប្រកួតដណ្ដើមកៅអីយ៉ាងក្ដៅគគុក រវាងកីឡាករបង្គោលខៀវ លីង ភារម្យ មកពីក្លិបភារម្យគុនខ្មែរ និងកីឡាករ ពុទ្ធ សំបូរ…
រាជធានីភ្នំពេញ ៖ ក្នុងព្រឹត្តិការណ៍ជើងឯកការប្រកួតដណ្ដើមកៅអីយ៉ាងក្ដៅគគុក រវាងកីឡាករបង្គោលខៀវ លីង ភារម្យ មកពីក្លិបភារម្យគុនខ្មែរ និងកីឡាករ ពុទ្ធ សំបូរ…
រាជធានីភ្នំពេញ ៖ ក្នុងព្រឹត្តិការណ៍ជើងឯកការប្រកួតដណ្ដើមកៅអីយ៉ាងក្ដៅគគុក រវាងកីឡាករបង្គោលខៀវ លីង ភារម្យ មកពីក្លិបភារម្យគុនខ្មែរ និងកីឡាករ ពុទ្ធ សំបូរ មកពីក្លិបពុទ្ធសេរីវង្ស បានបន្សល់ទុកនូវទិដ្ឋភាពយ៉ាងជក់ចិត្តយ៉ាងខ្លាំងក្នុងក្រសែភ្នែកអ្នកទស្សនានៅសង្វៀនប៉ុស្តិ៍លេខ៥ នៅព្រែកកំពិស។
កីឡាករបង្គោលខៀវ លីង ភារម្យ គឺជាអ្នកដណ្ដើមបានកៅអី៤នាក់ម្នាក់ទៀតក្នុងជុំទី៣ ដែលការប្រកួតនេះកាន់តែខិតជិតដល់ការប្រកួតដណ្ដើមជើងឯកចុងក្រោយ។ ការប្រកួតដែលធ្វើឡើងនៅក្នុងការប្រកួតកំពូលជើងឯក TV5 BOXING KNOCK OUT SERIES ( K-Cement) ជ្រើសរើសជើងឯកទម្ងន់៦០គីឡូក្រាម រដូវកាលទី៣ នោះ កីឡាករទាំងពីរសុទ្ធតែប្រឹងរៀងខ្លួន ទើបធ្វើឲ្យអ្នកឈ្នះកាន់តែក្លាយជាកីឡាករត្រូវបានគេសរសើរខ្លាំង។
នេះជាការប្រកួតជម្រុះក្នុងសប្តាហ៍ទី១៤ ដោយតម្រូវឱ្យអ្នកឈ្នះកន្លងមកទាំង៨នាក់ ចាប់គូគ្នាប្រកួតចាញ់ធ្លាក់ៗ ដើម្បីជ្រើសយក៤នាក់ទៅកាន់វគ្គបន្តសម្រាប់សប្ដាហ៍ទី២។ ក្នុងជំនួបដណ្ដើមកៅអីដ៏ស្វិតស្វាញកាលពីថ្ងៃសៅរ៍ ទី១៥ កញ្ញានោះ ស្ទើរតែមិនមានភាគីណាម្នាក់បន្ធូរដៃឲ្យគ្នានោះទេ ព្រោះទាំងកីឡាករបង្គោលក្រហម និងបង្គោលខៀវ សុទ្ធតែមិនចង់បាត់បង់ឱកាស ហើយត្រូវហាលអាវ។
កីឡាករ លីង ភារម្យ ដែលធ្លាប់ប្រកួតច្រើននៅលើសង្វៀនត្រូវគេឃើញប្រកួតល្អយ៉ាងខ្លាំង នៅពេលសាកកណ្ដាប់ដៃជាមួយនឹងកីឡាករ ពុទ្ធ សំបូរ ជាគូប្រកួត។ អ៊ីចឹងហើយទើបកីឡាកររូបនេះ ដណ្ដើមបានកៅអី៤នាក់ទៅវគ្គទី៣ ដោយរង់ចាំប្រកួតក្នុងវគ្គពាក់កណ្ដាលផ្ដាច់ព្រ័ត្រឆ្ពោះទៅកាន់ការប្រកួតដណ្ដើមជើងឯកប៉ុស្តិ៍លេខ៥។
យ៉ាងណាមិញគេនៅមិនទាន់ដឹងថា កីឡាកររូបនេះនឹងអាចបន្តឈ្នះនៅវគ្គ៤នាក់ ដើម្បីក្លាយជាជើងឯក ឬជើងឯករងនៅក្នុងរដូវកាលនេះ បានឬមិនបាននោះទេ ក្នុងពេលដែល៣រូបទៀត ដែលត្រូវឡើងទៅជាមួយក៏ត្រូវគេមើលឃើញថា សុទ្ធតែមានការតាំងចិត្តខ្ពស់។
ចែករំលែកព័តមាននេះ