ខេត្តរតនះគីរី៖ កុមារីម្នាក់រងរបូសធ្ងន់ធ្ងរដោយសារសត្វក្របីវ័ធ បណ្តាលឱ្យធ្លាយពោះវៀនចេញមកក្រៅ។ ហេតុការណ៍នេះបានកើតឡើងកាលពីវេលាម៉ោង៣និង៣០នាទីរសៀលថ្ងៃទី១៥ កញ្ញា ឆ្នាំ២០១៨ ចំណុចកើតហេតុអូរគីស ស្ថិតនៅភូមិឡាឡៃ ឃុំកុកឡាក់ ស្រុកវើនសៃ។…
ខេត្តរតនះគីរី៖ កុមារីម្នាក់រងរបូសធ្ងន់ធ្ងរដោយសារសត្វក្របីវ័ធ បណ្តាលឱ្យធ្លាយពោះវៀនចេញមកក្រៅ។ ហេតុការណ៍នេះបានកើតឡើងកាលពីវេលាម៉ោង៣និង៣០នាទីរសៀលថ្ងៃទី១៥ កញ្ញា ឆ្នាំ២០១៨ ចំណុចកើតហេតុអូរគីស ស្ថិតនៅភូមិឡាឡៃ ឃុំកុកឡាក់ ស្រុកវើនសៃ។
តាមរបាយការណ៍សមត្ថកិច្ចប៉ូលិសមូលដ្ថានបានឱ្យដឹងថា កុមារីរងគ្រោះឈ្មោះស៊ីង សល់ អាយុ១២ឆ្នាំ ជនជាតិការវែត ជាសិស្ស រស់នៅភូមិឃុំកើតហេតុខាងលើ។
សមត្ថកិច្ចដដែលបានបន្តទៀតថា បើតាមការរៀបរាប់ពីអាណាព្យាបាលកុមារីរងគ្រោះបានឱ្យថា នៅមុនពេលកើតហេតុនោះ គាត់បានឱ្យកូនស្រី (កុមារីរងគ្រោះ)ទៅកៀងសត្វក្របីមានចំនួន៤ក្បាលត្រឡប់មកផ្ទះវិញដូចសព្វដង តែកុមារីរងគ្រោះបានកាន់ដំបងទៅវាយសត្វក្របីកៀកពេក បណ្ដាលឱ្យសត្វក្របីវ័ធត្រូវចំឆ្អឹងជំនីរខាងឆ្វេងបណ្ដាលអោយធ្លាយពោះវៀនចេញមកក្រៅ រងបួសយ៉ាងធ្ងន់ធ្ងរ ត្រូវបានក្រុមគ្រួសារបញ្ជូនទៅសង្គ្រោះនៅមណ្ឌលសុខភាព។
បច្ចុប្បន្ន កុមារីរងគ្រោះកំពុងសម្រាកព្យាបាលនៅមណ្ឌលសុខភាពស្រុកវើនសៃ ដោយឡែកនៅល្ងាចថ្ងៃទី១៥ កញ្ញា ឆ្នាំ២០១៨ ភ្នាក់កោះសន្តិភាពមិនអាចសុំការបំភ្លឺពីគ្រូពេទ្យបានទេ ជុំវិញស្ថានភាពរបួស និងការវិវត្តន៍ព្យាបាលរបស់កុមារីរងគ្រោះដល់កំរិតណានោះ ៕
ចែករំលែកព័តមាននេះ