ខេត្តរតនៈគិរី ៖ បើតាមរបាយការណ៍ប៉ូលិសឃុំ និងស្រុកអូរជុំបានអោយសារព័ត៌មានដឹងថា ជនសង្ស័យល្មោភកាមម្នាក់ចាប់រលោភក្មេងស្រីអាយុ៩ឆ្នាំកាលពីថ្ងៃទី៣០ ខែសីហា ឆ្នាំ២០១៨ វេលាម៉ោង៦ព្រឹក ត្រូវបានសមត្ថកិច្ចចាប់ខ្លួននៅថ្ងៃទី១៥ ខែកញ្ញា…
ខេត្តរតនៈគិរី ៖ បើតាមរបាយការណ៍ប៉ូលិសឃុំ និងស្រុកអូរជុំបានអោយសារព័ត៌មានដឹងថា ជនសង្ស័យល្មោភកាមម្នាក់ចាប់រលោភក្មេងស្រីអាយុ៩ឆ្នាំកាលពីថ្ងៃទី៣០ ខែសីហា ឆ្នាំ២០១៨ វេលាម៉ោង៦ព្រឹក ត្រូវបានសមត្ថកិច្ចចាប់ខ្លួននៅថ្ងៃទី១៥ ខែកញ្ញា ឆ្នាំ២០១៨ វេលាម៉ោង១០និង៣០នាទីព្រឹក ។
ជនសង្ស័យមានឈ្មោះ ទីង សឹង ភេទប្រុស អាយុ៣៦ឆ្នាំ ជនជាតិខ្មែរកាត់ឡាវ មានមុខរបរកម្មករវាយថ្ម មានស្រុកកំណើតនៅភូមិស្រះឫស្សី ឃុំស្រែសំបូរ ស្រុកស្ទឹងត្រែង ខេត្តស្ទឹងត្រែង ចាប់បានជនសង្ស័យនៅចំណុចភូមិធួយ ឃុំយ៉ាងអ៊ុង ស្រុកអូរជុំ ខណៈជនសង្ស័យខាងលើនេះក្រោយពីធ្វើសកម្មភាពរំលោភក្មេងស្រីអាយុ៩ឆ្នាំហើយរត់គេចខ្លួនអស់មួយរយៈ ។
សមត្ថកិច្ចបានបន្តអោយដឹងទៀតថា ជនសង្ស័យខាងលើកំពុងឃុំខ្លួនបណ្តោះអាសន្ននៅការិយាល័យជួញដូរមនុស្សនៃស្នងការដ្ឋាននគរបាលខេត្តដើម្បីកសាងសំណុំរឿងទៅតុលាការចាត់ការតាមផ្លូវច្បាប់ ។
គួររលឹកផងដែរថា ជនសង្ស័យបានធ្វើសកម្មភាពរំលោភក្មេងស្រីជនជាតិគ្រឹង អាយុ៩ឆ្នាំម្នាក់ កាលពីថ្ងៃទី៣០ ខែសីហា ឆ្នាំ២០១៨ វេលាម៉ោង៦និង៣០នាទីព្រឹក នៅចំណុចចំការដំឡូងមីភូមិ-ឃុំខាងលើ ។ ក្នុងករណីរំលោភខាងលើនេះត្រូវបានសមត្ថកិច្ចប៉ូលិសស្រុកអូរជុំរបានប្រាប់សារព័ត៌មានយើងដឹងថា ក្មេងស្រីរងគ្រោះមានឈ្មោះគ.ន.ទ អាយុ៩ឆ្នាំ ជនជាតិគ្រឹង ជាសិស្សថ្នាក់បឋមសិក្សា ។
សមត្ថកិច្ចបានបន្តទៀតថា ក្រោយពីកើតហេតុត្រូវបានអាណាព្យាបាលក្មេងស្រីរងគ្រោះរាយការណ៍ និងប្តឹងដល់ប៉ូលិសស្រុកក្រោយមកទៀតសមត្ថកិច្ចបានសួរនាំក្មេងស្រីរងគ្រោះបានប្រាប់សមត្ថកិច្ចថា នៅមុនពេលកើតហេតុនោះឪពុកម្តាយបានទុកនាង និងប្អូនស្រីម្នាក់ទៀតអាយុ២ឆ្នាំកន្លះអោយនៅចាំខ្ទមចំការតែពីរនាក់បងប្អូនដោយម្តាយ និងឪពុកជិះម៉ូតូទៅផ្សារបានលុងដើម្បីទិញគ្រឿងបរិភោគ ។
ពេលឪពុកម្តាយចេញផុតក្មេងស្រីរងគ្រោះ និងប្អូនស្រីនាងចាំឪពុកម្តាយយូរពេកបានចេញពីខ្ទមចំការដើម្បីត្រឡប់ទៅផ្ទះវិញបានប្រហែល៥០០ម៉ែត្រក្នុងចំការដំឡូងមីមួយជាតំបន់ដាច់ស្រយាលគ្មានផ្ទះអ្នកភូមិនោះទេ ស្រាប់តែលេចមុខជនសង្ស័យម្នាក់ជិះម៉ូតូម៉ាកសង់កូរ៉េ ពណ៌ស្លាទុំ ស្លៀកខោកាប៊ូយអាវយឺតពណ៌ខ្មៅ និងកអាវមានមួក មាឌរាងខ្ពស់ សម្បុរខ្មៅ ថែមទាំងដុះពុកមាត់ស្រម៉ូម ។
ក្មេងស្រីរងគ្រោះបានបញ្ជាក់ប្រាប់សមត្ថកិច្ចទៀតថា បានដើរពីរនាក់បងប្អូនក្នុងដៃនាងមានកាន់ក្រម៉ាមួយ បុរសនោះបានឈប់ម៉ូតូ ហើយចាប់ក្មេងស្រីរងគ្រោះយកក្រម៉ារបស់ក្មេងស្រីចងដៃជាប់ហើយអូសចូលព្រៃដំឡូងមីរំលោភនាងរហូតបានសម្រេច ក្រោយពីរំលោភរួចបុរសជនសង្ស័យនោះបានជិះម៉ូតូគេចខ្លួនបន្តទៅមុខបាត់ ។ សមត្ថកិច្ចបានបញ្ជាក់ថា ក្មេងស្រីរងគ្រោះមិនបានរងការវាយដំពីបុរសនោះទេ គ្រាន់តែរំលោភបានសម្រេចតែប៉ុណ្ណោះ ៕
ចែករំលែកព័តមាននេះ