ខេត្តកណ្ដាល ៖ កម្មករធ្វើសំណង់ម្នាក់ កាលពីវេលាម៉ោងជាង៩យប់ ថ្ងៃទី១៤ កញ្ញា បានដាច់ចិត្តធ្វើអត្តឃាតចង.កសម្លាប់ខ្លួនលើដើមស្វាយខាងក្រោយផ្ទះ ក្នុងភូមិខាងលិច ឃុំអន្លង់រមៀត ស្រុកកណ្ដាលស្ទឹង…
ខេត្តកណ្ដាល ៖ កម្មករធ្វើសំណង់ម្នាក់ កាលពីវេលាម៉ោងជាង៩យប់ ថ្ងៃទី១៤ កញ្ញា បានដាច់ចិត្តធ្វើអត្តឃាតចង.កសម្លាប់ខ្លួនលើដើមស្វាយខាងក្រោយផ្ទះ ក្នុងភូមិខាងលិច ឃុំអន្លង់រមៀត ស្រុកកណ្ដាលស្ទឹង ខេត្តកណ្ដាល ។ ជនរងគ្រោះឈ្មោះ សំនៀង ផល្លា ភេទប្រុស អាយុ៣៧ឆ្នាំ រស់នៅភូមិខាងលិច ឃុំអន្លង់រមៀត ស្រុកកណ្ដាលស្ទឹង ខេត្តកណ្ដាល ជាកម្មករធ្វើសំណង់ ។
តាមការបំភ្លឺរបស់ឈ្មោះ អូន សុផាត ត្រូវជាម្តាយជនរងគ្រោះបានឲ្យដឹងថា នៅមុនពេលកើត ជនរងគ្រោះបានហូបបាយជុំគ្រួសារជាធម្មតា រួចក៏ចូលដេកបាត់ទៅ លុះដល់វេលាម៉ោង៥ និង១០នាទីទៀបភ្លឺថ្ងៃទី១៥ កញ្ញា គាត់ជាម្តាយបានដើរកូននៅក្រោមផ្ទះអត់ឃើញ ស្រាប់តែឃើញចង.កលើដើមស្វាយ ខាងក្រោយ
ផ្ទះបាត់ទៅហើយ ។ ភ្លាមនោះសាច់ញាតិបានឡើងកាត់ខ្សែចំណងដាក់ចុះ តែជនរងគ្រោះស្លាប់បាត់ទៅហើយ ។
ក្រោយពេលដឹងថា ជនរងគ្រោះស្លាប់ ក្រុមគ្រួសារបានរាយការណ៍ទៅសមត្ថកិច្ច ហើយសមត្តកិច្ចក៏បានបង្កើតគណៈកម្មការចុះទៅពិនិត្យ ដោយបានបញ្ជាក់ថា ជនរងគ្រោះពិតជាចងកធ្វើអត្តឃាតសម្លាប់ខ្លួន ដោយប្រើខ្សែគោពណ៌ខ្មៅ បណ្តាលឲ្យស្លាប់ប្រាកដមែន តែមិនទាន់ដឹងច្បាស់ពីមូលហេតុអ្វីឲ្យច្បាស់លាស់នោះនៅឡើយទេ ។ ក្រោយពេលសមត្តកិច្ចពិនិត្យរួចរាល់ សពត្រូវបានក្រុមគ្រួសារ រៀបចំធ្វើបុណ្យតាមប្រពៃណី ៕
ចែករំលែកព័តមាននេះ