ខេត្តកំពង់ស្ពឺ ៖ សេចក្តីរាយការណ៍ឱ្យដឹងថា មុខសញ្ញាជួញដូរ និងជក់ថ្នាំញៀនមួយសម្បុក ត្រូវបានសមត្ថកិច្ចធ្វើការបង្ក្រាប ព្រមទាំងដកហូតថ្នាំញៀនមួយចំនួនធំទៀត ។ ការបង្ក្រានេះធ្វើឡើង កាលពីរសៀលថ្ងៃទីថ្ងៃទី១៤ កញ្ញា ស្ថិតនៅចំណុចភូមិផ្សារស្លាបលែង ឃុំស្វាយរំពារ ស្រុកបសេដ្ឋ ខេត្តកំពង់ស្ពឺ។
សេចក្តីរាយការណ៍បន្តថា មុខសញ្ញាជួញដូរថ្នាំញៀនចំនួន៦នាក់ (ស្រី២ )ត្រូវកម្លាំងចុះបង្ក្រាបបានជាក់ស្តែង នៅចំណុចខាងលើ ។ ជនសង្ស័យ១-ឈ្មោះផន ចំរើន ភេទប្រុស អាយុ២៥ឆ្នាំ ,២-ឈ្មោះសែម ណារ៉ាត់ ភេទស្រី អាយុ៣៥ឆ្នាំ នៅភូមិផ្សារស្លាបលែង ឃុំស្វាយរំពារ ៣-ឈ្មោះ អ៊ុក សុខមាន ភេទ ប្រុស អាយុ៣៥ឆ្នាំ នៅភូមិអូរព្រាល ឃុំស្វាយរំពារ ៤-ឈ្មោះ អំ សុខម៉ឹង ភេទប្រុស អាយុ២១ឆ្នាំ នៅភូមិព្រះម្លប់ ឃុំភារីមានជ័យ ៥-ឈ្មោះ លន់ ប៊ុនឡេង ភេទប្រុស អាយុ៣១ឆ្នាំ នៅភូមិកន្លង់ ឃុំបសេដ្ឋ ៦-ឈ្មោះ អ៊ីម ចន្ធី ភេទស្រី អាយុ១៦ឆ្នាំ នៅភូមិត្រកួន ឃុំពោធិអង្គ្រង ស្រុកបសេដ្ឋ ខេត្តកំពង់ស្ពឺ ។
ក្នុងប្រតិបត្តិការបង្ក្រាបនេះ សមត្ថកិច្ចដកហូតគ្រឿងញៀនប្រភេទម៉ាទឹកកក២៥ កញ្ចប់ , ជញ្ជីងថ្លឹងគ្រឿងញៀន១ , ម៉ូតូចំនួន៧គ្រឿង, ទូរស័ព្ទដៃ១១គ្រឿង, ដាវ១, ស្នាប់ដៃ១ រួមទាំងឧបករណ៍ប្រើប្រាស់គ្រឿងញៀនមួយចំនួន ។ ក្រុមជនសង្ស័យទាំងនេះ គឺជាមុខសញ្ញាដែលសមត្ថកិច្ចធ្វើការតាមដានជាយូរមកហើយ ទើបតែលើកនេះ ដោយពួកគេពពាក់ពពូនគ្នាចរាចរណ៍ថ្នាំញៀននិងជក់ថ្នាំ ក៏សម្រុកចូលបង្ក្រាបតែម្តង ។
ចែករំលែកព័តមាននេះ