ជាម្តាយមួយរូបបានអះអាងថា សាលារៀនមួយបានហាមមិនឱ្យកូនប្រុសខ្លួនចូលរៀន ព្រោះតែម៉ូដសក់អាចចាក់ភ្នែកក្មេងម្នាក់ផ្សេងទៀតបាន ។ ក្មេងប្រុស Charlie Chafer មានអាយុ៦ឆ្នាំ និងបានជ្រើសម៉ូដសក់នេះ ដោយខ្លួនឯងមុននឹងត្រៀមខ្លួនអួតសក់របស់ខ្លួនទៅកាន់មិត្តរួមថ្នាក់នៅសាលារៀនបឋមសិក្សា…
ជាម្តាយមួយរូបបានអះអាងថា សាលារៀនមួយបានហាមមិនឱ្យកូនប្រុសខ្លួនចូលរៀន ព្រោះតែម៉ូដសក់អាចចាក់ភ្នែកក្មេងម្នាក់ផ្សេងទៀតបាន ។ ក្មេងប្រុស Charlie Chafer មានអាយុ៦ឆ្នាំ និងបានជ្រើសម៉ូដសក់នេះ ដោយខ្លួនឯងមុននឹងត្រៀមខ្លួនអួតសក់របស់ខ្លួនទៅកាន់មិត្តរួមថ្នាក់នៅសាលារៀនបឋមសិក្សា Drayton Park Primary School នៅ Blecthcky នៃMildton Keynes ចក្រភពអង់គ្លេស។
ប៉ុន្តែស្ត្រីជាម្តាយ Kristie-LEa ដែលមានអាយុ២៦ឆ្នាំបានឲ្យដឹងថា សាលារៀនខាងលើបានហៅរូបនាងកាលពីថ្ងៃសុក្រកន្លងមក និងបានប្រាប់ថា កូនប្រុសខ្លួនមិនអាចចូលរៀនបានទេ លុះត្រាតែគេប្តូរម៉ូដសក់។
ស្ត្រីរូបនេះ បានបន្តថា វាមិនយុត្តធម៌ឡើយ ព្រោះវាជាម៉ូដសក់ដែលមិនប៉ះពាល់ដល់ការសិក្សារបស់កូនប្រុសខ្លួន ឬដល់សិស្សដទៃឡើយ។
លើសពីនេះទៅទៀត អ្នកស្រីបានឲ្យដឹងថា សាលារៀនខាងលើបានប្រាប់ដល់នាងឱ្យកោរសក់កូនប្រុសចេញ បើសិនជាចង់ឱ្យចូលរៀនធម្មតា។ ចុងក្រោយសាលារៀន ក៏ដាក់ទឹកលើសក់របស់ Charlie ដើម្បីធ្វើឱ្យសក់រាបស្មើវិញ។
Drayton Park Primary School បាននិយាយលើគេហទំព័ររបស់ខ្លួនថា សាលារៀនមិនអនុញ្ញាតឱ្យក្មេងៗមានម៉ូដសក់ «ហួសហេតុ» ដែលអាចប៉ះពាល់ដល់ការយកចិត្តទុកដាក់របស់ក្មេងដទៃឡើយ ។
ចែករំលែកព័តមាននេះ