ខេត្តបន្ទាយមានជ័យ ៖ ម្ចាស់ឱសថស្ថានរងម្នាក់ដែលអតិថិជនតែងកោតសសើរ ទៅលើការផ្សំថ្នាំលេប ព្យាបាលជំងឺនោះ បែរជាលោតសម្លាប់ខ្លួនបង្កឲ្យមានការភ្ញាក់ផ្អើល។ ហេតុការណ៍នេះ បានកើតឡើង នៅវេលាម៉ោង១២ថ្ងៃត្រង់ ថ្ងៃទី១៤…
ខេត្តបន្ទាយមានជ័យ ៖ ម្ចាស់ឱសថស្ថានរងម្នាក់ដែលអតិថិជនតែងកោតសសើរ ទៅលើការផ្សំថ្នាំលេប ព្យាបាលជំងឺនោះ បែរជាលោតសម្លាប់ខ្លួនបង្កឲ្យមានការភ្ញាក់ផ្អើល។ ហេតុការណ៍នេះ បានកើតឡើង នៅវេលាម៉ោង១២ថ្ងៃត្រង់ ថ្ងៃទី១៤ ខែកញ្ញា ឆ្នាំ២០១៨ នៅចំណុចឱសថស្ថានសុខសាន្ត (ពេទ្យតឿ) ស្ថិតក្នុងភូមិ១ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
ប្រភពព័ត៌មានពីនគរបាល បានឲ្យដឹងថា ជនរងគ្រោះ ឈ្មោះ អ៊ិន សំណាង ហៅហេង ឬពេទ្យតឿ ភេទប្រុស អាយុ៦០ឆ្នាំ ស្ថិតក្នុងភូមិ១ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ជាម្ចាស់ឱសថស្ថានរងដែល មានយីហោ សុខសាន្ត។ ប្រភពដដែលបានបញ្ជា្កក់ថា តាមការបំភ្លឺគ្រួសារសពនៅកន្លែងកើតហេតុ សាកសពមានជំងឺរ៉ាំរៃច្រើនមុខជាយូឆ្នាំមកហើយ បានទៅព្យាបាលជាច្រើនប្រទេសតែមិនជាសះស្បើយ។ ហើយមុនពេលគាត់លោតសម្លាប់ខ្លួនក៏មានលិខិតសរសេរដោយដៃមួយសន្លឹក (សងខាង) រៀបរាប់អំពីសុខភាពរបស់គាត់ដែលព្យាបាលមិនជា ហើយពិកបាកចិត្តក្នុងការរស់នៅ។
លោកវរសេនីយ៍ឯក ស៊ី ឌី អធិការនគរបាលក្រុងសិរីសោភ័ណ បានឲ្យដឹងថា ស្លាកស្នាមជន រងគ្រោះរងបួសបាក់ដៃខាងឆ្វេង បាក់ខ្ទង់ច្រមុះ បែកចង្កា។ តាមការពិនិត្យសព ដែលមានការចូលរួម ពីគ្រូពេទ្យ និងមន្ត្រីជំនាញ ជនរងគ្រោះពុំមានស្លាកស្នាមអ្វី ក្រៅពីស្លាកស្នាមដែលធ្លាក់ពីលើផ្ទះ ចំពោះស្លាកស្នាមអ្វីផ្សេងទៀតដែលសង្ស័យជាអំពើឃាតកម្មនោះគឺគ្មានឡើយ។ ការសន្និដ្ឋាន គឺជាករណីធ្វើអត្តឃាត (ដោយលោតពីលើផ្ទះថ្ម) ព្រោះជំងឺរ៉ាំរៃជាច្រើនឆ្នាំព្យាបាលមិនជា៕
ចែករំលែកព័តមាននេះ