សហរដ្ឋអាមេរិក ៖ ការផ្ទុះឆេះជាច្រើនសិបកន្លែង ប្រហែលមកពីការធ្លាយបំពង់បង្ហូរឧស្ម័នធម្មជាតិមួយ បណ្ដាលឲ្យមនុស្សស្លាប់ម្នាក់ និង១២នាក់រងរបួស កាលពីយប់ថ្ងៃទី១៣ កញ្ញា នៅតាមទីក្រុងនានាជិតទីក្រុងបូស្តុន រដ្ឋម៉ាសាជូសេត…
សហរដ្ឋអាមេរិក ៖ ការផ្ទុះឆេះជាច្រើនសិបកន្លែង ប្រហែលមកពីការធ្លាយបំពង់បង្ហូរឧស្ម័នធម្មជាតិមួយ បណ្ដាលឲ្យមនុស្សស្លាប់ម្នាក់ និង១២នាក់រងរបួស កាលពីយប់ថ្ងៃទី១៣ កញ្ញា នៅតាមទីក្រុងនានាជិតទីក្រុងបូស្តុន រដ្ឋម៉ាសាជូសេត ហើយបង្កឲ្យមានការជ្រួលច្របល់ និងការជម្លៀសមនុស្សចេញច្រើនរយនាក់។
ផ្ទះ និងអគារច្រើនសិបរងការខូចខាត ឬបំផ្លាញដោយសារការផ្ទុះឆេះទាំងនោះ ចំណែកអ្នកពន្លត់ភ្លើងច្រើនក្រុមខិតខំតស៊ូពន្លត់ភ្លើងដែលឆេះនៅកន្លែងជាច្រើនខុសៗគ្នា។
ឧស្ម័ន និងអគ្គិសនីត្រូវបានកាត់ផ្ដាច់ជាការប្រុងប្រយ័ត្ននៅទីក្រុងLAWRENCE ក្រុង ANDOVER និងក្រុងNORTH ANDOVERស្ថិតនៅចម្ងាយប្រមាណជា៤០គីឡូម៉ែត្រខាងជើងទីក្រុងបូស្តុន។
យោងតាមប៉ូលិសរដ្ឋម៉ាសាជូសេតថា មានភ្លើងឆាបឆេះ ការផ្ទុះនិងការធ្លាយឧស្ម័ន៧០កន្លែងត្រូវបានកំណត់ឃើញ។ កាសែតតំបន់THE EAGLE TRIBUNEរាយការណ៍ថានោះជាការផ្ទុះតាមបណ្ដាញឧស្ម័ននាំឲ្យឆេះផ្ទះជាច្រើន។រូបភាពទាំងឡាយផ្សាយតាមបណ្ដាញសង្គមបង្ហាញពីទំហំនៃការខូតខាត៕
ចែករំលែកព័តមាននេះ