ខេត្តកណ្ដាល ៖ បុរសម្នាក់បានខ្យល់គរ(ស្លាប់) ដែលហេតុការណ៍នេះបានកើតហេតុនៅថ្ងៃទី១៤ ខែកញ្ញានេះ នៅចំណុចក្នុងបន្ទប់ប៉ុស្តិ៍រដ្ឋបាលរកាកោងទី១ ភូមិពាមឃុំរកាកោងទី១ ស្រុកមុខកំពូល ខេត្តកណ្ដាល ។…
ខេត្តកណ្ដាល ៖ បុរសម្នាក់បានខ្យល់គរ(ស្លាប់) ដែលហេតុការណ៍នេះបានកើតហេតុនៅថ្ងៃទី១៤ ខែកញ្ញានេះ នៅចំណុចក្នុងបន្ទប់ប៉ុស្តិ៍រដ្ឋបាលរកាកោងទី១ ភូមិពាមឃុំរកាកោងទី១ ស្រុកមុខកំពូល ខេត្តកណ្ដាល ។
ជនរងគ្រោះខាងលើមានឈ្មោះ ជឿន ហួន ភេទប្រុស អាយុ៤៩ឆ្នាំ នៅភូមិឡអិដ្ឋ ឃុំព្រែកដំបង ស្រុកមុខកំពូល ខេត្តកណ្ដាល មុខរបរនាយប៉ុស្តិ៍រដ្ឋបាលរកាកោងទី១ ។
ដោយកន្លងមកជនរងគ្រោះមានជំងឺប្រចាំកាយ (លើសឈាម និងទឹកនោមផ្អែម) ហើយតែងមកបំពេញភារកិច្ចនៅប៉ុស្តិ៍ជាប្រចាំទាំងយប់ទាំងថ្ងៃ ។ ដោយនៅថ្ងៃទី១៣ ខែកញ្ញានេះ ជនរង គ្រោះបានមកប្រជុំនៅស្នងការដ្ឋាននគរបាលខេត្តកណ្ដាល ហើយបានត្រឡប់មកប៉ុស្តិ៍វិញនៅ វេលាម៉ោង១៣និង០០នាទី ហើយបានទុកម៉ូតូនៅមុខរោងលក់បង្អែមឈ្មោះ ហាត់ ប៊ុនហុង(មុខប៉ុស្តិ៍) រួចចូលមកធ្វើការនៅប៉ុស្តិ៍ជាធម្មតារហូតដល់ម៉ោង១៨និង០០នាទី ហើយឈ្មោះហាត់ ប៊ុនហុង ដែលលក់បង្អែមនៅមុខប៉ុស្តិ៍ឃើញប៉ុស្តិ៍ងងឹតបានដើរឡើងទៅបើកភ្លើងបានឮសម្លេងជនរងគ្រោះដេកស្រម៉ុកខ្លាំងៗរួចក៏ដើរចុះពីប៉ុស្តិ៍ទៅវិញ រហូតដល់ម៉ោង២២និង០០នាទីពុំឃើញជនរងគ្រោះមកយកម៉ូតូឡើយ ពេលនោះឈ្មោះ រស់ សំអាត អ្នកលក់គុយទាវមុខប៉ុស្តិ៍បានមកយកម៉ូតូទៅទុកក្នុងរោងរបស់ខ្លួនឲ្យជនរងគ្រោះទៀតផង ទាំងម៉ូតូជាប់សោ.ក ។
ចំណែកមន្ត្រីប៉ុស្តិ៍ពុំមានអ្នកណាម្នាក់មកប៉ុស្តិ៍ឡើយ ព្រោះជាប់ភារកិច្ចល្បាត និងការពារគោលដៅផ្សារកាកោង ។ លុះដល់ថ្ងៃទី១៤ ខែកញ្ញានេះ នៅវេលាម៉ោង០៤និង០០នាទីទៀបភ្លឺ ឈ្មោះ រស់ សំអាត បានងើបមកដាំទឹកលក់គុយទាវមិនឃើញជនរងគ្រោះមកយកម៉ូតូជិះទៅផឹកកាហ្វេនៅផ្សារកាកោងដូចសព្វដងក៏មានការឆ្ងល់ក៏បបួលប្រពន្ធខ្លួន និងឈ្មោះ ម៉េង លីដែលលក់ដូរក្បែរគ្នាមកមើលជនរងគ្រោះ ស្រាប់តែឃើញជនរងគ្រោះដេកស្លាប់នៅក្នុងបន្ទប់ ក្បាលបែរទៅកើតស្លៀកខោខ្លី ពណ៌ក្រហមរុំក្រម៉ាពីក្រៅ ពុំមានពាក់អាវ ហើយមានកំអួត ចេញតាមមាត់ទៀតផង រួចក៏មានការផ្អើលឆោរឡោតែម្ដង ។
នៅថ្ងៃដដែលវេលាម៉ោង០៥និង៣៧នាទីសមត្ថកិច្ចបានទទួលព័ត៌មានពីកម្លាំងប៉ុស្តិ៍រួចបានចុះដល់កន្លែងកើតហេតុដោយបានសហការជាមួយអាជ្ញាធរមូលដ្ឋាន ដើម្បីធ្វើការពិនិត្យសពឃើញថា សពជនរងគ្រោះដេកផ្ងារលើឥដ្ឋក្បាលទៅកើតស្លៀកខោជើងខ្លីពណ៌ក្រហម មានស្លៀកក្រម៉ារុំពីក្រៅ ដោយមានកំអួតចេញតាមមាត់ជាច្រើនទៀតផង ។
ចំណែកនៅលើដងខ្លួនជនរងគ្រោះពុំឃើញមានស្លាកស្នាមអ្វីគួរកត់សម្គាល់ឡើយ ។ ការសន្និដ្ឋានជនរងគ្រោះស្លាប់ដោយសារខ្យល់គរ ។ សពត្រូវបានប្រគល់ជូនក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ