ស្នងការប៉ូលិសកោះហៅជួបម្ចាស់អាជីវកម្មទាំងអស់ក្នុងក្រុងព្រះសីហនុ…
- ព្រះសីហនុ
ខេត្តព្រះសីហនុ ៖ រសៀលថ្ងៃទី១១ ខែកញ្ញា លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានកោះអញ្ជើញម្ចាស់អាជីវកម្ម សណ្ឋាគារ…
ខេត្តព្រះសីហនុ ៖ រសៀលថ្ងៃទី១១ ខែកញ្ញា លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានកោះអញ្ជើញម្ចាស់អាជីវកម្ម សណ្ឋាគារ…
ខេត្តព្រះសីហនុ ៖ រសៀលថ្ងៃទី១១ ខែកញ្ញា លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានកោះអញ្ជើញម្ចាស់អាជីវកម្ម សណ្ឋាគារ កាសុីណូ ក្លិបកម្សាន្ត ខារ៉ាអូខេ និងម៉ាស្យា សរុបចំនួន៨៤នាក់មាន ខ្មែរ ចិន និងកូរ៉េ មកជួបប្រជុំសំណេះសំណាល ក្នុងគោលបំណងឱ្យបានស្គាល់គ្នាផង និងធ្វើការផ្សព្វផ្សាយពីការពង្រឹងប្រសិទ្ធភាពនៃការអនុវត្តច្បាប់ ដែលម្ចាស់អាជីវកម្មទាំងអស់ ត្រូវតែគោរពទៅតាមលក្ខខណ្ឌច្បាប់នៃប្រទេសកម្ពុជា មិនត្រូវយកទីតាំងរបស់ខ្លួនប្រព្រឹត្តបទល្មើសជាដាច់ខាត ។
លោកស្នងការ ជួន ណារិន្ទ បានលេីកឡើង២ចំណុចសំខាន់ៗដូចខាងក្រោម ៖ ១-សំណូមពរឲ្យម្ចាស់អាជីវកម្មទាំងអស់ ទាំងខ្មែរនិងបរទេស ត្រូវតែគោរពច្បាប់ ។ ជាមួយគ្នានេះ មិនត្រូវទទួលការដាក់បញ្ចាំឬដកយកលិខិតឆ្លងដែន លិខិតបើកផ្លូវ ព្រោះជាករណីខុសច្បាប់ ។ ចំពោះអ្នកប្រេីប្រាស់យានយន្ត ត្រូវគោរពផ្លាកសញ្ញា ច្បាប់ស្តីពីចរាចរណ៍ផ្លូវគោក ។ជនបរទេសដែលប្រេីប្រាស់ប័ណ្ណបើកបរក្លែងក្លាយ និងជនខិលខូចផ្តល់ឯកសារក្លែងក្លាយឲ្យអ្នកទាំងនោះ ត្រូវមានទោសពីបទក្លែងឯកសារសាធារណៈ និងប្រើប្រាស់ឯកសារខុសច្បាប់ ត្រូវមានទោស មិនអាចលេីកលែងបានឡើយ ។
២-ចំពោះក្លិបកម្សាន្ត ឌីស្កូ ខារ៉ាអូខេ ត្រូវគោរពច្បាប់ ។ ទីតាំងត្រូវមានប្រព័ន្ធគ្រប់គ្រងសន្តិសុខ សុវត្ថិភាព កម្លាំងសន្តិសុខឯកជនត្រូវមានឯកសារសាវតារជាតិច្បាស់លាស់ អត្តសញ្ញាណប័ណ្ណត្រឹមត្រូវ ដែលជាវិធានការជាក់លាក់ ។ ម្ចាស់អាជីវកម្ម មិនត្រូវចែកចាយខិត្ត ប័ណ្ណរូបភាពអាសអាភាស មិនត្រូវឆ្លៀតឱកាសយកទីតាំងទៅរកស៊ីប្រព្រឹត្តបទល្មើសខុសច្បាប់ដូចជាករណី ជួញដូរមនុស្ស ជួញដូរប្រេីប្រាស់់គ្រឿងញៀន បេីកបនពេស្យាចារជាដាច់ខាត ។
លោកស្នងការ ជួន ណារិន្ទ ក៏បានរំឭកឡើងវិញអំពីកិច្ចខិតខំប្រឹងប្រែងក្នុងការអនុវត្តគោលនយោបាយភូមិ-ឃុំ-សង្កាត់ មានសុវត្ថិភាពផងដែរ ។ កន្លងមក សមត្ថកិច្ចនគរបាលបានឆ្មក់ចូលបង្ក្រាបនៅតាមទីតាំងក្លិបកម្សាន្ត បារ ឌីស្កូ ខារ៉ាអូខេធំៗចំនួន៣កន្លែងរួចមកហើយ ដែលបានលក់ចែកចាយ និងសេពគ្រឿងញៀនមានដូចជា ក្លិបកម្សាន្ត(បារឌីស្កូ) យីហោស្កាយឡាញ ក្លិបខារ៉ាអូខេយីហោ សុីតុងហ្វងនិងខារ៉ាអូខេយីហោ អុីតៃជាយិន ដែលម្ចាស់ទីតាំងនិងម្ចាស់អាជីវកម្មសុទ្ធតែមានខ្សែជាអ្នកមានប្រាក់ មានទាំងអំណាច មកកាងការពារ ។
ទោះបីជាមានការអន្តរាគមន៍ពីខាងណាក៏ដោយ ក៏ពេលអនុវត្តច្បាប់ លោកសំណូមពរដល់អស់លោកមានការយោគយល់ គោរពច្បាប់ទាំងអស់គ្នា រួមគ្នាការពារសុវត្ថិភាព សន្តិសុខ ដេីម្បីការពារអភិវឌ្ឍន៍ខេត្តព្រះសីហនុឲ្យមានការរីកចម្រើន មានសន្តិសុខ សណ្តាប់ធ្នាប់ សុវត្ថិភាពល្អ ៕
ចែករំលែកព័តមាននេះ