ខេត្តកំពង់ស្ពឺ ៖ ជនសង្ស័យម្នាក់លួចកាច់កម៉ូតូ១គ្រឿងនៅខេត្តព្រៃវែងបានសម្រេច ហើយជិះមកលាក់ខ្លួននៅខេត្តកំពង់ស្ពឺបានចំនួន៥ថ្ងៃ ត្រូវសមត្ថកិច្ច ស្រាវជ្រាវរកឃើញ និងឃាត់ខ្លួនបានរួមនឹងម៉ូតូរបស់ជនរងគ្រោះ១គ្រឿងផងដែរ។ ករណីឃាត់ខ្លួនជនសង្ស័យនេះ បានធ្វើឡើងនៅម៉ោង៨ និង៥នាទីព្រឹកថ្ងៃទី១៣…
ខេត្តកំពង់ស្ពឺ ៖ ជនសង្ស័យម្នាក់លួចកាច់កម៉ូតូ១គ្រឿងនៅខេត្តព្រៃវែងបានសម្រេច ហើយជិះមកលាក់ខ្លួននៅខេត្តកំពង់ស្ពឺបានចំនួន៥ថ្ងៃ ត្រូវសមត្ថកិច្ច ស្រាវជ្រាវរកឃើញ និងឃាត់ខ្លួនបានរួមនឹងម៉ូតូរបស់ជនរងគ្រោះ១គ្រឿងផងដែរ។
ករណីឃាត់ខ្លួនជនសង្ស័យនេះ បានធ្វើឡើងនៅម៉ោង៨ និង៥នាទីព្រឹកថ្ងៃទី១៣ ខែកញ្ញា ឆ្នាំ២០១៨ ស្ថិតនៅភូមិថ្មី ឃុំចំបក់ ស្រុកភ្នំស្រួច។
ជនសង្ស័យខាងលើឈ្មោះវង់ វិចិត្រ ភេទប្រុស អាយុ៣៣ឆ្នាំ រស់នៅភូមិពពេល ឃុំពពេល ស្រុកពារាំង ខេត្តព្រៃវែង រួមនឹងម៉ូតូ១គ្រឿងរបស់ជនរងគ្រោះម៉ាកហុងដាឌ្រីមសេ១២៥ ស៊េរីឆ្នាំ២០០៨ ពណ៌ខ្មៅ ពាក់ស្លាកលេ ខ១AB-៨៣០៣។
ប្រភពព័ត៌មានពីសមត្ថកិច្ចអធិការដ្ឋាននគរបាលស្រុកភ្នំស្រួច បានឲ្យដឹងថា មុនឈានដល់ឃាត់ខ្លួនជនសង្ស័យម្នាក់ខាងលើ កម្លាំងជំនាញបានទទួលព័ត៌មានពីខេត្ដព្រៃវែងមកថា មានជនសង្ស័យម្នាក់ បានធ្វើសកម្មភាពលួចកាច់កម៉ូតូ១គ្រឿងបានសម្រេច រួចជិះគេចខ្លួនមកសម្ងំលាក់ខ្លួននៅក្នុងស្រុកភ្នំស្រួចនេះ។
ប្រភពដដែលបន្តថា ក្រោយពីសមត្ថកិច្ច ធ្វើការស្រាវជ្រាវស្គាល់ទីកន្លែងលាក់ខ្លួនរបស់ជនសង្ស័យច្បាស់ហើយ កម្លាំងនគរបាលស្រុកបានសហការជាមួយកម្លាំងនគរបាលប៉ុស្តិ៍ចំបក់ ចុះឃាត់ខ្លួនជនសង្ស័យរួមទាំងម៉ូតូ១គ្រឿង ផងដែរ។
ក្រោយឃាត់ខ្លួនជនសង្ស័យឆ្លើយសារភាពថា បន្ទាប់ពីរូបគេលួចម៉ូតូបានហើយក៏ជិះសំដៅមកខេត្តកំពង់ស្ពឺ ដើម្បីលក់លុយចាយ តែមិនទាន់បានលក់ផងក៏ត្រូវសមត្ថកិច្ចឃាត់ខ្លួនបានតែម្តង។
នៅរសៀលថ្ងៃទី១៤ កញ្ញា ២០១៨ ជនសង្ស័យត្រូវបានកសាងសំណុំរឿង បញ្ជូនទៅស្នងការដ្ឋាន ដើម្បីប្រគល់ឱ្យសមត្ថកិច្ចខេត្តព្រៃវែង មកទទួលយកទៅចាត់ការតាមនីតិវិធីបន្ត៕
ចែករំលែកព័តមាននេះ