រាជធានីភ្នំពេញ ៖ កម្លាំងសមត្ថកិច្ចការិយាល័យបទល្មើសព្រហ្មទណ្ឌនៃទីបញ្ជាការកងរាជអាវុធហត្ថរាជធានីភ្នំពេញកាលពីថ្ងៃទី១៤ ខែកញ្ញា ឆ្នាំ២០១៨ បានបញ្ជូនជនជាតិកូរ៉េ២នាក់ ឪពុក និងកូនទៅកាន់សាលាដំបូងរាជធានីភ្នំពេញពាក់ព័ន្ធករណី ឆបោក និងលួចប្រាក់ពីក្រុមហ៊ុនចិនមួយអស់ទឹកប្រាក់ជិត៨លានដុល្លារ…
រាជធានីភ្នំពេញ ៖ កម្លាំងសមត្ថកិច្ចការិយាល័យបទល្មើសព្រហ្មទណ្ឌនៃទីបញ្ជាការកងរាជអាវុធហត្ថរាជធានីភ្នំពេញកាលពីថ្ងៃទី១៤ ខែកញ្ញា ឆ្នាំ២០១៨ បានបញ្ជូនជនជាតិកូរ៉េ២នាក់ ឪពុក និងកូនទៅកាន់សាលាដំបូងរាជធានីភ្នំពេញពាក់ព័ន្ធករណី ឆបោក និងលួចប្រាក់ពីក្រុមហ៊ុនចិនមួយអស់ទឹកប្រាក់ជិត៨លានដុល្លារ ។
ជនសង្ស័យម្នាក់ឈ្មោះ ចូ ស៊ូពិន Cho So In ភេទប្រុស អាយុ២៩ឆ្នាំ កាន់លិខិតឆ្លងដែនលេខ M36107313 (កូន) និងម្នាក់ឈ្មោះ ចូ សាមហ្សុង Cho Samsung ភេទប្រុស អាយុ៦០ឆ្នាំ (ជាឱពុក) ជនជាតិកូរ៉េខាងត្បូង ស្នាក់នៅបច្ចុប្បន្នផ្ទះលេខ១៥ ផ្លូវ១១២៦ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ ចំណែកដើមបណ្តឹងក្នុងសំណុំរឿងនេះឈ្មោះ ជិន ជីហុង Jin Zhehong ភេទប្រុស អាយុ៤៤ឆ្នាំ ជាជាតិចិន និងជាពាណិជ្ជករ តំណាងឲ្យក្រុមហ៊ុន Shenyang Aiweiou Healfh Products Co ltd ដែលចូលមកដាក់ទុនរកស៊ីនៅស្រុកខ្មែរ មានអាស័យដ្ឋានផ្ទះលេខ២៧ ផ្លូវលេខ១០០៧ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
លោកវរសេនីយ៍ឯក ម៉ាំង សុខលុច នាយការិយាល័យបទល្មើសព្រហ្មទណ្ឌកងរាជអាវុធហត្ថរាជធានីភ្នំពេញបានឲ្យដឹងថា ជនសង្ស័យ២នាក់ឪពុកកូនកម្លាំងសមត្ថកិច្ចរបស់លោកបានធ្វើការឃាត់ខ្លួនកាលពីវេលាម៉ោង១១និង៣០នាទីថ្ងៃទី១៣ ខែកញ្ញា ឆ្នាំ២០១៨ ចំណុចភូមិកោះអណ្ដែត ផ្លូវឧកញ៉ា ម៉ុង រិទ្ធី សង្កាត់ទួលសង្កែ២ ខណ្ឌឬស្សីកែវ គឺឃាត់តាមដីការបញ្ជាឲ្យចូលខ្លួនរបស់អយ្យការសាលាតំបូងរាជធានីភ្នំពេញ ។
តាមប្រភពព័ត៌មានបានឲ្យដឹងថា ដើមបណ្តឹងដូចមានឈ្មោះខាងលើបានប្តឹងឪពុក និងកូនពីបទ «ឆបោក» ដែលមានទឹកប្រាក់ប្រមាណ២៩២០៤៥ដុល្លារដែលជនសង្ស័យបានប្រព្រឹត្តកាលអំឡុងខែវិច្ឆិកា ឆ្នាំ២០១៦ និងបទលួចមានទឹកប្រាក់ចំនួន៧២០៥៨៨២ដុល្លារប្រព្រឹត្តក្នុងឆ្នាំ២០១៧ និងបទក្លែងឯកសារសាធារណៈ ៕
ចែករំលែកព័តមាននេះ