បុរសម្នាក់ធ្វើឱ្យម្ចាស់ឡានថើបថ្នល់ឈាមស្រោចពេញមុខ (មានវីដេអូ)
- ភ្នំពេញ
រាជធានីភ្នំពេញ ៖ បុរសវ័យជាង៣០ឆ្នាំបានដួលដាច់មុខដាច់មាត់ហូរឈាមពេញផ្ទៃមុខរងរបួសស្រាលដោយសារតែបុរសជាអ្នករត់ម៉ូតូឌុបម្នាក់បានជិះម៉ូតូមួយគ្រឿងទៅកៀរនឹងរថយន្តម៉ាក CHEVROLET មួយគ្រឿងរបស់គាត់ដែលចតទុកចោលនៅស្ងៀមខាងមុខផ្ទះបណ្តាលឱ្យក្រពឹតផ្នែកខាងក្រោយអស់មួយចំហៀងដល់ពេលគាត់ចាប់អោយសងទំនងជាគ្មានលុយអោយទើបបើករត់ និងរូបគាត់ស្ទុះទៅចាប់បកន្ទុយម៉ូតូជាប់បណ្តាលអោយដួលអូសទៅលើផ្លូវនោះ ។ ករណីគ្រោះថ្នាក់ចរចារណ៍នេះដែរបានកើតឡើងនៅវេលាម៉ោង៩និង៣០នាទីព្រឹក ថ្ងៃទី១៤ ខែកញ្ញា…
ករណីគ្រោះថ្នាក់ចរចារណ៍នេះដែរបានកើតឡើងនៅវេលាម៉ោង៩និង៣០នាទីព្រឹក ថ្ងៃទី១៤ ខែកញ្ញា ឆ្នាំ២០១៨ នៅខាងមុខផ្ទះលេខ២៦ ផ្លូវលេខ៣៣៨ ក្នុងសង្កាត់ទួលស្វាយព្រៃទី១ ខណ្ឌចំការមន ។
តាមប្រភពព័ត៌មានពីនគរបាលបានប្រាប់ឱ្យដឹងថា មុនពេលកើតហេតុ បុរសជាជនរងគ្រោះបានបើករថយន្តមួយគ្រឿងម៉ាក CHEVROLET ពណ៌ខ្មៅ ពាក់ផ្លាកលេខ ភ្នំពេញ ២AF-០៤៦៧ មកចតទុកចោលនៅស្ងៀមខាងមុខផ្ទះខាងលើនៅខាងស្តាំដៃដោយក្បាលរថយន្តបែរទៅទិសខាងកើត ។
លុះមួយសន្ទុះក្រោយមកក៏ស្រាប់តែមានម៉ូតូម៉ាកហុងដា C125 ពណ៌ខ្មៅ ពាក់ផ្លាកលេខភ្នំពេញ ១FK-១០៧៣ មួយគ្រឿងដែលបើកបរដោយបុរសម្នាក់ជាអ្នករត់ម៉ូតូឌុបនោះបានបើកបរម៉ូតូក្នុងល្បឿនយ៉ាងលឿនពីកើតទៅលិចក្នុងទិសដៅបញ្ច្រាសគ្នានោះ ។
តាមប្រភពដដែលបានប្រាប់បន្តទៀតថា លុះមកដល់ចំណុចខាងលើបុរសអ្នករត់ម៉ូតូឌុបម្នាក់នោះក៏បានរេចង្កូតទៅខាងឆ្វេងដៃទៅកៀររថយន្តមួយគ្រឿងដែលម្ចាស់ចតទុកចោលនៅខាងមុខផ្ទះនោះបណ្តាលអោយឆ្កូត និងក្រពឹតផ្នែកខាងក្រោយអស់មួយចំហៀង ហើយក៏ដួលនៅក្បែរនោះតែម្តង ។
ភ្លាមនោះបុរសជាម្ចាស់ក៏បានមកដល់ និងចាប់ឃាត់អោយសងថ្លៃខូចខាតរថយន្តរបស់ខ្លួនចំនួន៤០០ដុល្លារ តែដោយគ្មានលុយបុរសអ្នករត់ម៉ូតូឌុបសុំសងត្រឹមតែ២០ម៉ឺនរៀល លុះនិយាយចចារគ្នាមិនត្រូវក៏ស្រាប់តែបុរសម្នាក់នោះឡើងជិះម៉ូតូប្រុងរត់គេចខ្លួន ហើយក៏ត្រូវបានបុរសជាម្ចាស់រថយន្តស្ទុះចាប់កន្ទុយម៉ូតូជាប់ហើយក៏ដួលអូសទៅលើផ្លូវ និងបែកមុខមាត់ហូរឈាមរងរបួសស្រាលតែម្តង ។
ក្រោយពេលកើតហេតុបុរសរងគ្រោះត្រូវបានក្រុមគ្រួសារបញ្ជូនយកទៅធ្វើព្យាបាលនៅមន្ទីរពេទ្យ ហើយកម្លាំងនគរបាលប៉ុស្តិ៍ទួលស្វាយព្រៃទី១ក៏បានចុះមកដល់កន្លែងកើតហេតុធ្វើការវាស់វែង ដោយអោយភាគីទាំង២ធ្វើការដោះស្រាយគ្នាដោយភាគីខាងម៉ូតូឌុបយល់ព្រមសងថ្លៃខូចខាតរថយន្ត និងព្យាបាលជម្ងឺដល់ម្ចាស់រថយន្តរងគ្រោះចំនួន២០០ដុល្លារបញ្ចប់រឿងភ្លាមៗផងដែរ ៕
ចែករំលែកព័តមាននេះ