រាជធានីភ្នំពេញ ៖ មេបញ្ជាការកងទ័ពជើងគោគថ្មីលោក ហ៊ុន ម៉ាណែត អគ្គមេបញ្ជាការរងយោធពលខេមរភូមិន្ទបានថ្លែងថា ប្រទេសមួយដែលខ្លាំងទៅបានលុះត្រាតែកងទ័ពនៃប្រទេសនោះខ្លាំងផងដែរ ហើយបើកងទ័ពមិនខ្លាំងនោះ គេនឹងមើលងាយយើង ។…
រាជធានីភ្នំពេញ ៖ មេបញ្ជាការកងទ័ពជើងគោគថ្មីលោក ហ៊ុន ម៉ាណែត អគ្គមេបញ្ជាការរងយោធពលខេមរភូមិន្ទបានថ្លែងថា ប្រទេសមួយដែលខ្លាំងទៅបានលុះត្រាតែកងទ័ពនៃប្រទេសនោះខ្លាំងផងដែរ ហើយបើកងទ័ពមិនខ្លាំងនោះ គេនឹងមើលងាយយើង ។
ការថ្លែងបែបនេះរបស់លោក ហ៊ុន ម៉ាណែត ធ្វើឡើងនៅក្នុងក្នុងពិធីចងសម្ព័ន្ធមេត្រីភាពរវាងអង្គភាពបញ្ជាការដ្ឋានការពារអាកាសកងទ័ពជើងគោកជាមួយក្រុមហ៊ុនអ៊ិចសឹឡិនស៍ឡូជីស្ទីក(EXCELLENCE LOGISTICS CO.,,LTD) និងក្រុមហ៊ុនអូតូម៉ាតាត្រេឌីង (ខេមបូឌា)ឯ.ក (AUTOMATA TRADING(CAMBODIA)CO.,LTD) កាលពីថ្ងៃទី១៣ ខែកញ្ញា ឆ្នាំ២០១៨ ទីតាំងមូលដ្ឋានកងការពារអាកាសទួលត្រាច ។
លោក ហ៊ុន ម៉ាណែត បានថ្លែងបញ្ជាក់ថា ភារកិច្ចរបស់កងទ័ពយើង គឺការពារជាតិការពារបូរណភាពទឹកដីមិនមែនទៅវាយលុកយកទឹកដីរបស់ប្រទេសណានោះទេ ប៉ុន្តែយើងក៏មិនឲ្យគេមកយកទឹកដីយើងដែរ ។ លោកបន្តថា ការធ្វើកំណែទម្រង់កងទ័ព គឺមានទស្សនៈវែងឆ្ងាយណាស់ នៅក្នុងការកសាងទាំងផ្នែករឹង (សម្ភារៈ យុទ្ធោបករណ៍ គ្រឿនបំពាក់ គ្រឿងចក្រ) និងផ្នែកទន់ (សមត្ថភាពកងកម្លាំង) តាមរយៈការបណ្ដុះបណ្ដាលសមត្ថភាពជំនាញ ជាពិសេសការផ្ទេរចំណេះដឹងសមត្ថភាពជំនាញការដឹកនាំបញ្ជាពីមួយជំនាន់ទៅមួយជំនាន់ ។ ប៉ុន្តែអ្វីដែលសំខាន់ គឺគិតពីកម្លាំងជំនាញទាំងអស់ដែលត្រូវបន្តវេនតាមជំហានក្នុងនោះរួមមានលក្ខណៈបទពិសោធន៍ការងារចំណេះដឹងជំនាញ សមត្ថភាព ភាពជាអ្នកដឹកនាំ ដើម្បីយើងដឹកនាំបន្តទៅមុខទៀត ។
លោកបញ្ជាក់បន្ថែមថា ប្រទេសមួយខ្លាំងទាល់តែកងទ័ពខ្លាំងដែរ បើកងទ័ពមិនខ្លាំងគេមើលងាយយើង ។ លោកមេបញ្ជាការបានសម្តែងនូវក្តីសង្ឃឹមថា តាមរយៈការជួយឧបត្ថម្ភការចូលរួមរបស់ដៃគូក្រុមហ៊ុននឹងបន្តជួយទៅតាមលទ្ធភាព ដើម្បីបំពេញតម្រូវការជាក់ស្តែងរបស់កងទ័ព ដើម្បីជួយគ្នា ។ ការពារជាតិ ដើម្បីទាំងអស់គ្នាទាំងអស់គ្នា ដើម្បីការពារជាតិ ។ ដោយសារសុខសន្តិភាព ស្ថេរភាពនេះហើយបានជាយើងមានឱកាសទាំងអស់គ្នានៅពេលបច្ចុប្បន្ននេះ ។ ហើយកងទ័ពបានខិតខំខ្លាំងណាស់នៅក្នុងការចូលរួមការពារសុខសន្តិភាព ។
លោកហ៊ុន ម៉ាណែត ក៏បានថ្លែងអំណរគុណផងដែរចំពោះក្រុមហ៊ុនដែលជាសម្ព័ន្ធមេត្រីភាព ហើយបានស្ម័គ្រចិត្តចូលរួមក្នុងការងារអង្គភាពកងទ័ព ដើម្បីជួយសម្រួលដល់កងទ័ពនៅក្នុងការពារជាតិទាំងអស់គ្នា ហើយការងារចូលរួមសំខាន់ណាស់ យើងធ្វើមិនមែនតែសម្រាប់ បច្ចុប្បន្នទេ គឺសម្រាប់អនាគត ។ ទន្ទឹមនោះលោកក៏បានសូមផ្ដាំផ្ញើការសាកសួរសុខទុក្ខពីសំណាក់សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតថ្នាក់ដឹកនាំក្រសួងការពារជាតិ អគ្គបញ្ជាការថ្នាក់ដឹកនាំកងទ័ពជើងគោកទាំងអស់គ្នា ជូនទាហាននាយ ទាហានរង និងពល ទាហានទាំងអស់នៃបញ្ជាការដ្ឋានការពារអាកាសជើងគោក ។
លោកក៏ថ្លែងការកោតសរសើរមេបញ្ជាការមេបញ្ជាការងនាយទាហាននាយទាហានរង និងពលទាហានទាំងអស់នៅក្នុងបញ្ជាការដ្ឋានការពារអាកាសដែលបានបំពេញភារកិច្ចជូនអង្គភាពយ៉ាងខ្ជាប់ខ្ជួននៃដំណើរការការកសាងអង្គភាពការងារហ្វឹកហ្វឺនបំប៉នសមត្ថភាព ជាពិសេសការអនុវត្តការងារក្នុងទិសដៅយុទ្ធសាស្ត្រកងទ័ព ដើម្បីការពារជាតិការពារបូរណភាពទឹកដីដែលបេសកកម្មរបស់កងទ័ពរបស់យើង គឺពង្រឹងការការពារអាកាស ៕
ចែករំលែកព័តមាននេះ