រាជធានីភ្នំពេញ ៖ សេចក្តីរាយការណ៍ឱ្យដឹងថា កាលពីព្រឹកថ្ងៃទី១៤ កញ្ញា នាយកដ្ឋាននគរបាលព្រហ្មទណ្ឌក្រសួងមហាផ្ទៃ បានធ្វើការបង្ហាញមុខក្រុមជនសង្ស័យជាចោប្លន់ប្រដាប់អាវុធ២នាក់ ដែលបានធ្វើសកម្មភាពប្លន់អាជីវកររាប់លុយនៅផ្សារឈូកមាសជិត២ម៉ឺនដុល្លារអាមេរិក និងបានបញ្ជូនទៅកាន់សាលាដំបូងរាជធានីភ្នំពេញ ។…
រាជធានីភ្នំពេញ ៖ សេចក្តីរាយការណ៍ឱ្យដឹងថា កាលពីព្រឹកថ្ងៃទី១៤ កញ្ញា នាយកដ្ឋាននគរបាលព្រហ្មទណ្ឌក្រសួងមហាផ្ទៃ បានធ្វើការបង្ហាញមុខក្រុមជនសង្ស័យជាចោប្លន់ប្រដាប់អាវុធ២នាក់ ដែលបានធ្វើសកម្មភាពប្លន់អាជីវកររាប់លុយនៅផ្សារឈូកមាសជិត២ម៉ឺនដុល្លារអាមេរិក និងបានបញ្ជូនទៅកាន់សាលាដំបូងរាជធានីភ្នំពេញ ។
ជនសង្ស័យទាំង២នាក់ខាងលើ ម្នាក់ឈ្មោះ តាំង រុន ភេទប្រុស អាយុ៣១ឆ្នាំ ស្នាក់នៅមិនពិតប្រាកដ នៅស្រុកកំពុងត្របែក ខេត្តព្រៃវែង និងម្នាក់ទៀតឈ្មោះ ឡា ធារ៉ា ភេទប្រុស អាយុ២៤ឆ្នាំ មានទីលំនៅភូមរកាកោង ឃុំរការកោង ស្រុកមុខកំពូល ខេត្តកណ្តាល ។
ជាមួយនោះ សមត្ថកិច្ចបានធ្វើការដកហូតអាវុធខ្លី២ដើម ១ដើមម៉ាករ៉ូឡូ និង ១ដើមម៉ាកប៉េអាកុល ម៉ូតូឌ្រីសង់១២៥ មួយគ្រឿង និង ម៉ូតូស្កុបពី១គ្រឿង ជាមធ្យោយបាយធ្វើសកម្មភាព ។ ទាក់ទិននិងការបង្ហាញមុខជនសង្ស័យ២នាក់ខាងលើនេះ លោកវរៈសេនីយ៍ឯក ជាវ វិបុល នាយការិយាល័យនគរបាលព្រហ្មទណ្ឌកម្រិតធ្ងន់រាជធានីភ្នំពេញបានឲ្យដឹងថា កាលពីវេលាម៉ោង១២ និង ៣០នាទីថ្ងៃទី៨ កញ្ញា មានករណីចោរ១ក្រុមបក្សពួក៣នាក់ ស្លៀកពាក់ស៊ីវិល បានធ្វើសកម្មភាពភ្ជង់ប្លន់អាជីវកររាប់លុយនៅផ្សារឈូកមាស យកប្រាក់ជិត២ម៉ឺនដុល្លារអាមេរិក ។ ជនរងគ្រោះក្នុងអំពើប្លន់នោះមានឈ្មោះ ហួត វ៉ាន់ណៃ ភេទស្រី អាយុ៣៨ឆ្នាំ អាជីវកររាប់លុយនៅផ្សារឈូកមាស ។
ព័ត៌មានលម្អឹតមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ