ខេត្តបាត់ដំបង ៖ សេចក្តីរាយការណ៍ឱ្យដឹងថា ក្មេងស្រីម្នាក់គ្រាន់តែម្ដាយស្ដីបន្ទោសបន្តិចបន្តួចពីរឿងបង្កជម្លោះជាមួយប្អូន បែរជាខឹងសម្បាររហូតសម្រេចចិត្តធ្វើអត្តឃាតបញ្ចប់ជីវិតខ្លួនឯង បង្កការភ្ញាក់
ផ្អើលយ៉ាងខ្លាំងនៅវេលាម៉ោង៧យប់ថ្ងៃទី១៣ កញ្ញា ស្ថិតនៅភូមិព្រៃត្រឡាច ឃុំព្រៃត្រឡាច ស្រុករុក្ខគិរី។
សមត្ថកិច្ចបានឱ្យដឹងថា ក្មេងរងគ្រោះខាងលើ ឈ្មោះតាត ស្រីល័ក្ខ អាយុ១២ឆ្នាំ រស់នៅភូមិព្រែត្រឡាច ឃំុព្រៃត្រឡាច ស្រុករុក្ខគិរី ។ ក្មេងស្រីរូបនេះ បានចង.កនឹងធ្នឹមផ្ទះរបស់ខ្លួន នាប៉ុន្មាននាទីក្រោយពីមានជម្លោះជាមួយប្អូន ដែលធ្វើឱ្យក្រុមគ្រួសាររន្ធត់ចិត្តយ៉ាងខ្លាំង ។
បើតាមសមត្ថកិច្ចដែលបានចុះសួរនាំអំពីរឿងនេះ បានស្រង់សំដីក្រុមគ្រួសារថា ដំបូងក្មេងស្រីរងគ្រោះបានឈ្លោះជាមួយប្អូនរឿង ដណ្ដើមផ្លែត្របែកគ្នា ។ ប្រភពដដែលបានឲ្យដឹងទៀតថា ពេលនោះម្ដាយរបស់នាងបានទៅសួរនាំ និងបានស្តីបន្ទោសខ្លាំងៗទៅលើនាងដែលជាបង ធ្វើឲ្យនាងខឹងនឹងការស្ដីបន្ទោសនេះ យ៉ាងខ្លាំង លុះយប់ឡើងនាង ក៏ធ្វើអត្តឃាតដោយចង.កសម្លាប់ខ្លួនតែម្ដងទៅ។
សមត្ថកិច្ចបានប្រាប់ថា មន្ត្រីជំនាញបានចុះទៅកាន់កន្លែងកើតហេតុភ្លាមៗដែរ ក្រោយពីទទូលបានព័ត៌មាននេះ។ ក្រោយពីពិនិត្យកន្លែងកើតហេតុ មន្ត្រីជំនាញបានធ្វើកំណត់ហេតុប្រគល់សពក្មេងស្រីរងគ្រោះឲ្យក្រុមគ្រួសារធ្វើបុណ្យតាមប្រពៃណីហើយ ៕
ចែករំលែកព័តមាននេះ