ខេត្តកំពង់ស្ពឺ ៖ បន្ទាប់ពីក្រសួងមហាផ្ទៃចេញលិខិតគោរពស្នើសុំឲ្យលោក សម សាមួន ស្នងការនគរបាលខេត្តកំពង់ស្ពឺ ដាក់ពិន័យរដ្ឋបាលលើលោក ហ៊ុន សុខហុន ក្រោយមានបណ្តឹងរបស់ពលរដ្ឋកាលពីពេលថ្មីៗ ។
ឥឡូវនេះលោក ហ៊ុន សុខហុន អធិការស្រុកថ្ពង ត្រូវយោធិនពិការចំនួន៥គ្រួសារ ប្តឹងទៅស្ថាប័នកំពូលៗចំនួន៣របស់ជាតិ ដើម្បីឲ្យជួយអន្តរាគមន៍ រឿងលោកអធិការស៊ីដាច់លុយ ដែលឯកឧត្តម ហ៊ុន ម៉ានី អ្នកតំណាងរាស្ត្រមណ្ឌលខេត្តកំពង់ស្ពឺ ឧបត្ថម្ភពួកគាត់។
យោងតាមពាក្យសុំអន្តរាគមន៍ ចុះថ្ងៃទី១០ ខែកញ្ញា ឆ្នាំ២០១៨ ដែលអ្នកសារព័ត៌មានទទួលបាននៅថ្ងៃទី១២ ខែកញ្ញា ឆ្នាំ២០១៨នេះ យោធិនពិការទី១-ឈ្មោះ ទ្រឿង ហ៊ីម ហៅ អាង ភេទប្រុស, ទី២-ឈ្មោះ ម៉ី យ៉េង ហៅ កែល ភេទប្រុស,
ទី៣-ឈ្មោះ ធុង ម៉ៅ ភេទស្រី ជាប្រពន្ធរបស់ឈ្មោះ អៀម លីម ជាមន្ត្រីនគរបាលចូលនិវត្ត (បានស្លាប់), ទី៤-ឈ្មោះ ឃុត រឿន ហៅបូ ភេទប្រុស ។
និងទី៥-ឈ្មោះ អន អុល បានប្តឹងទៅសម្តេចពញាចក្រី ហេង សំរិន ប្រធានរដ្ឋភាជាតិ, សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងឯកឧត្តមទេសរដ្ឋមន្ត្រី ឱម យិនទៀង ប្រធានអង្គភាពប្រឆាំងអំពើពុករលួយឲ្យជួយរកយុត្តិធម៌ រឿង លោក ហ៊ុន សុខហុន អធិការនគរបាលស្រុកថ្ពង ស៊ីដាច់លុយដែលឯកឧត្តម ហ៊ុន ម៉ានី អ្នកតំណាងរាស្ត្រមណ្ឌលកំពង់ស្ពឺ ជួយឧបត្ថម្ភពួកគាត់។
ពាក្យសុំអន្តរាគមន៍បានរៀបរាប់ថា កាលពីថ្ងៃទី២០ ខែមេសា ឆ្នាំ២០១៨ ឯកឧត្តម ហ៊ុន ម៉ានី បានចុះសំណេះសំណាលជាមួយពួកគាត់ ដើម្បីបំពាក់មេដៃការងារ និងឧបត្ថម្ភ ក្នុងមួយគ្រួសារចំនួន៥ម៉ឺនរៀល ជាប្រាក់លើកទឹកចិត្ត និងដោះស្រាយជីវភាព។
ប៉ុន្តែផ្ទុយលោក ហ៊ុន សុខហុន អធិការស្រុកថ្ពង និងបក្ខពួកមិនបានប្រគល់លុយដែលឯកឧត្តម ហ៊ុន ម៉ានី ឧបត្ថម្ភ ពួកគាត់ឲ្យពួកគាត់ឡើយ ពោលគឺស៊ីដាច់ទាំងអស់។
ព័ត៌មានពិស្តានឹងមានផ្សាយជូននៅលើកាសែតកោះសន្តិភាព
ចែករំលែកព័តមាននេះ