ប្រទេសស៊ីរី ៖ គណៈកម្មាធិការមួយរបស់ អ.ស. បបានស្នើកាលពីថ្ងៃទី១២ កញ្ញាថា បណ្ដាក្រុមឧទ្ទាមនៅខេត្តអ៊ីដលីប សុំចាកចេញពីបណ្ដាតំបន់ប្រជាជនរស់នៅ ជាពិសេសតំបន់ទីក្រុង ដើម្បីការពារជនស៊ីវិលជាការបង្ការសម្រាប់ការវាយលុកមួយរបស់កងទ័ពស៊ីរី…
ប្រទេសស៊ីរី ៖ គណៈកម្មាធិការមួយរបស់ អ.ស. បបានស្នើកាលពីថ្ងៃទី១២ កញ្ញាថា បណ្ដាក្រុមឧទ្ទាមនៅខេត្តអ៊ីដលីប សុំចាកចេញពីបណ្ដាតំបន់ប្រជាជនរស់នៅ ជាពិសេសតំបន់ទីក្រុង ដើម្បីការពារជនស៊ីវិលជាការបង្ការសម្រាប់ការវាយលុកមួយរបស់កងទ័ពស៊ីរី និងរុស្ស៊ីលើខេត្តនេះនាភាគពាយ័ព្យស៊ីរី។
កាលពីថ្ងៃទី៧ កញ្ញា កន្លងទៅនេះ បេសកជន អ.ស.ប សម្រាប់ស៊ីរីលោក STEFFAN DE MISTURA ធ្លាប់ស្នើនៅមុខក្រុមប្រឹក្សាសន្តិសុខឲ្យដាក់ឱសានវាទមួយចំណោះពួកឧទ្ទាម ដើម្បីឲ្យពួកគេចាកចេញពីបណ្ដាតំបន់មានប្រជាជនរស់នៅច្រើន។ អ.ស.ប ខ្លាចក្រែងកើតមានគ្រោះមហន្តរាយមនុស្សធម៌យ៉ាងអាក្រក់បំផុតមួយប្រចាំសតវត្ស រួចនាថ្ងៃទី១១ កញ្ញា ក៏អំពាវនាវដល់បណ្ដាភាគីដែលច្បាំងគ្នាឲ្យចៀសវាងថ្លុកឈាមមួយក្នុងខេត្តអ៊ីដលីប។
បណ្ដាក្រុមភេរវករ និងក្រុមប្រដាប់អាវុធឯទៀតៗភាគច្រើនស្ថិតនៅតាមទីក្រុង។ អាស្រ័យហេតុនេះសេណារីយ៉ូប្រសើរ នឹងជាការចាកចេញរបស់ពួកគេពីបណ្ដាទីក្រុង។
ប្រជាជនក្នុងខេត្តអ៊ីដលីប និងតំបន់ជុំវិញស្ថិតក្រោមការត្រួតត្រារបស់ពួកបះបោរ មានការកើនឡើងរយៈពេលប៉ុន្មានឆ្នាំចុងក្រោយនេះ ដែលឡើងដល់ជិត៣លាននាក់ជាមួយការហូរចូលនៃពួកឧទ្ទាមច្រើនសិបពាន់នាក់និងគ្រួសារពួកគេ មកពីតំបន់នានាដែលកងកម្លាំងរដ្ឋាភិបានវាយដណ្ដើមយកបាន។
ចាប់តាំងពីច្រើនសប្ដាហ៍មកហើយ អ៊ីដលីបជាគោលដៅនៃការទម្លាក់គ្រាប់បែកយ៉ាងខ្លាំងក្លារបស់រុស្ស៊ី និងស៊ីរី តែទើបបង្អន់បន្តិចចាប់ពីថ្ងៃទី១១កញ្ញាមក៕
ចែករំលែកព័តមាននេះ