ខេត្តកំពង់ស្ពឺ ៖ ម្ចាស់ផ្ទះម្នាក់វិលមកពីហូបចុកខាងក្រៅរួចពេលចូលដល់ផ្ទះបានចតរថយន្ត និងម៉ូតូចោលមុខផ្ទះអត់បានចាក់សោទ្វាររថយន្តនោះទេ ។ លុះដល់ភ្ញាក់ពេលជិតភ្លឺចេញមកមើលស្រាប់តែមិនដឹងក្រុមចោរចូលលួចបាត់តាំងពីពេលណា ។ ករណីម្ចាស់ប្រហែសទុកទ្រព្យក្រៅផ្ទះត្រូវចោរលួចបាត់បានភ្ញាក់ផ្អើលនៅម៉ោង៤និង៥៥នាទីព្រឹក ថ្ងៃទី១២ ខែកញ្ញា…
ខេត្តកំពង់ស្ពឺ ៖ ម្ចាស់ផ្ទះម្នាក់វិលមកពីហូបចុកខាងក្រៅរួចពេលចូលដល់ផ្ទះបានចតរថយន្ត និងម៉ូតូចោលមុខផ្ទះអត់បានចាក់សោទ្វាររថយន្តនោះទេ ។ លុះដល់ភ្ញាក់ពេលជិតភ្លឺចេញមកមើលស្រាប់តែមិនដឹងក្រុមចោរចូលលួចបាត់តាំងពីពេលណា ។
ករណីម្ចាស់ប្រហែសទុកទ្រព្យក្រៅផ្ទះត្រូវចោរលួចបាត់បានភ្ញាក់ផ្អើលនៅម៉ោង៤និង៥៥នាទីព្រឹក ថ្ងៃទី១២ ខែកញ្ញា ឆ្នាំ២០១៨ ស្ថិតនៅភូមិទី៦ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។ ជនរងគ្រោះឈ្មោះ តែម កុសល ភេទប្រុស អាយុ៣៩ឆ្នាំ រស់នៅភូមិកើតហេតុខាងលើ ។
ទ្រព្យដែលចោរលួចទៅបាត់នោះមានទី១-រថយន្ត១គ្រឿងម៉ាកតាកូម៉ា១បាំងកន្លះ ពណ៌ស ពាក់ផ្លាកលេខ កោះកុង ២A-០៧៤៦ និងទី២-ម៉ូតូ១គ្រឿងម៉ាកវ៉េវអាល់ហ្វា ពណ៌ក្រហម គ្មានផ្លាកលេខ ។
ប្រភពព័ត៌មានពីជនរងគ្រោះបានឆ្លើយប្រាប់សមត្ថកិច្ចថា កាលពីយប់ថ្ងៃទី១១ ខែកញ្ញា ឆ្នាំ២០១៨ គាត់បានបើករថយន្តមកពីហូបចុកខាងក្រៅដោយសារស្រវឹងផងភ្លេចចាក់សោទ្វាររថយន្តរួចចូលដេកក្នុងផ្ទះលង់លក់បាត់ទៅ ។
លុះដល់ស្វាងស្រាភ្ញាក់ពីដេកនៅម៉ោង៤និង៥៥នាទីព្រឹកចេញមកមើលបាត់រថយន្តពីមុខផ្ទះនិងម៉ូតូ១គ្រឿងទៀតចតក្បែររគ្នាតែម្តង ។ ជនរងគ្រោះបញ្ជាក់ថា រថយន្តចតបែរក្បាលទៅរកផ្លូវ ចំណែកម៉ូតូចាក់សោកង់ត្រឹមត្រូវ ។ ក្រោយពីដឹងថា ចោរលួចរថយន្ត និងម៉ូតូបាត់ដោយសុវត្ថិភាពជនរងគ្រោះបានដាក់ពាក្យបណ្តឹងឲ្យសមត្ថកិច្ចជួយស្រាវជ្រាវចាប់ក្រុមចោរមកចាត់ការតាមនីតិវិធីច្បាប់ ៕
ចែករំលែកព័តមាននេះ