ខេត្តព្រះសីហនុ ៖ កម្លាំងកងរាជអាវុធហត្ថខេត្តព្រះសីហនុ ជាច្រើននាក់ប្រដាប់ដោយអាវុធ និងខ្នោះគ្រប់ដៃ កាលពីថ្ងៃទី១០ និងថ្ងៃទី១១ ខែកញ្ញា ឆ្នាំ២០១៨កន្លងមក បានទៅបង្ខំឲ្យក្រុមកម្មករចាំចំការនៅលើទីតាំងដីមួយកន្លែងស្ថិតនៅក្នុងភូមិ៤…
ខេត្តព្រះសីហនុ ៖ កម្លាំងកងរាជអាវុធហត្ថខេត្តព្រះសីហនុ ជាច្រើននាក់ប្រដាប់ដោយអាវុធ និងខ្នោះគ្រប់ដៃ កាលពីថ្ងៃទី១០ និងថ្ងៃទី១១ ខែកញ្ញា ឆ្នាំ២០១៨កន្លងមក បានទៅបង្ខំឲ្យក្រុមកម្មករចាំចំការនៅលើទីតាំងដីមួយកន្លែងស្ថិតនៅក្នុងភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ មានទំហំជាង៥ហិកតាឲ្យចាក ចេញពីទីតាំងដីចំការខាងលើនោះជាបន្ទាន់ តាមបទបញ្ជាពីថ្នាក់លើ ខណៈដែលដីមួយកន្លែងនេះ មានភាគីទំនាស់ជាច្រើនក្រុមបានអះអាងដូចៗគ្នាថា ជាដីរបស់ខ្លួនបានកាន់កាប់ជាយូរឆ្នាំមកហើយ។
ក្នុងចំណោមអ្នកដែលបានអះអាងថាជាម្ចាស់ ភាគច្រើនជាមន្ត្រីមានអំណាច មានប្រាក់ កំពុងតែឈ្លោះដណ្តើមដីគ្នា ស្របពេលដែលហាងឆេងទិញ និងលក់ដីនៅខេត្តព្រះសីហនុ កំពុងងើបឡើងយ៉ាងគំហុក ។
ប្រភពផ្តល់ព័ត៌មានពីប្រជាពលរដ្ឋដែលបានឃើញហេតុការណ៍សកម្មភាពសមត្ថកិច្ចទីបញ្ជាការ កងរាជអាវុធហត្ថខេត្តព្រះសីហនុក្នុងរយៈពេលពីរថ្ងៃជាប់ៗគ្នា គឺនៅថ្ងៃទី១០ និងទី១១ ខែកញ្ញា ឆ្នាំ២០១៨កន្លងមក ដឹកនាំដោយលោកវរសេនីយ៍ឯក បាន តុលា មេបញ្ជាការ រង កងរាជអាវុធហត្ថខេត្តព្រះសីហនុ បានដឹកនាំកម្លាំងអាវុធហត្ថជាច្រើននាក់ប្រដាប់ដោយអាវុធនិងខ្នោះដៃចុះទៅបណ្តេញក្រុមកម្មករចាំចំការ ដែលម្ចាស់ដីបានជួលឲ្យទៅជម្រះស្មៅ និងចាំដីចំការខាងលើដោយមិនបានបង្ហាញអំពីលិខិតផ្លូវច្បាប់ជាក់លាក់ណាមួយដល់ក្រុមកម្មករដែលកំពុងស្នាក់នៅក្នុងទីតាំងដីចំការខាងលើនោះឡើយ ។
សកម្មភាពបែបនេះត្រូវបានរងការរិះគន់ពីកម្មករខាងលើថា ជាសកម្មភាពប្រើប្រាស់អំណាចប្រដាប់អាវុធមកបង្ខិតបង្ខំកម្មករស៊ីឈ្នួលចាំចំការយកប្រាក់ដើម្បីដោះស្រាយជីវភាពគ្រួសារតែប៉ុណ្ណោះ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ