ប្រទេសអាហ្វហ្គានីស្ថាន ៖ បើតាមរយៈតុល្យការនៃការវាយប្រហារអត្តឃាត កាលពីថ្ងៃទី១១ កញ្ញា ប្រឆាំងពួកបាតុករនៅភាគខាងកើតអាហ្វហ្គានីស្ថាន មកដល់ថ្ងៃទី១២ កញ្ញា នេះ ចំនួនអ្នកស្លាប់ឡើងដល់៦៨នាក់។
លោក ATAULLAH KHOGYANI អ្នកនាំពាក្យអភិបាលខេត្តណាន់ហ្គាហា បាននិយាយឱ្យដឹងថា មនុស្ស៦៨នាក់ស្លាប់ ហើយ១៦៥នាក់ទៀតរងរបួស ពេលជនអត្តឃាតធ្វើឲ្យគ្រឿងផ្ទុះដាក់ជាប់ខ្លួនគេផ្ទុះកណ្ដាលចំណោមពួកបាតុករ នៅកន្លែងមួយចម្ងាយប្រមាណជា៧០គីឡូម៉ែត្រពីទីក្រុងហ្សាឡាឡាបាដ។
នោះជាការវាយប្រហារភេរវកម្មយ៉ាងបង្ហូរឈាមបំផុតលើកទី២ នៅអាហ្វហ្គានីស្ថាន ចាប់តាំងពីដើមឆ្នាំ២០១៨នេះមក។ ការវាយបប្រហារយ៉ាងបង្ហូរឈាមបំផុតពីដើមឆ្នាំមក កើតមានកាលពីខែមករា ពេលរថយន្តសង្គ្រោះផ្ទុកគ្រឿងផ្ទុះមួយផ្ទុះនៅកណ្ដាលក្រុងកាប៊ុល បណ្ដាលឲ្យមនុស្សស្លាប់ជាង១០០នាក់ និងរបួស២៣៥នាក់។ នោះជាស្នាដៃរបស់ពួកតាលីបង់៕
ចែករំលែកព័តមាននេះ