ខេត្តស្ទឹងត្រែង ៖ ចំណីអាហារមួយចំនួនដែលហួសកាលបរិច្ឆេទប្រើប្រាស់ បានត្រូវមន្ត្រីសាខាកាំកុងត្រូលខេត្តចាត់វិធានការដកហូតយកទៅរក្សាទុក ដើម្បីបំផ្លាញចោល ។ ក្នុងសកម្មភាពចុះពិនិត្យទំនិញនៅតាមហាងលក់ដូរ ក្នុងក្រុងស្ទឹងត្រែង កាលពីថ្ងៃទី១០ កញ្ញា…
ខេត្តស្ទឹងត្រែង ៖ ចំណីអាហារមួយចំនួនដែលហួសកាលបរិច្ឆេទប្រើប្រាស់ បានត្រូវមន្ត្រីសាខាកាំកុងត្រូលខេត្តចាត់វិធានការដកហូតយកទៅរក្សាទុក ដើម្បីបំផ្លាញចោល ។ ក្នុងសកម្មភាពចុះពិនិត្យទំនិញនៅតាមហាងលក់ដូរ ក្នុងក្រុងស្ទឹងត្រែង កាលពីថ្ងៃទី១០ កញ្ញា លោក គឹម ប្រុស ប្រធានសាខាកាំកុងត្រូលខេត្ត ថ្លែងថា ការធ្វើបែបនេះ ដើម្បីការពារសុខភាពអ្នកបរិភោគ ជាពិសេសកុមារតូចៗនៅពេលទៅសាលារៀន ព្រោះចំណីអាហារទាំងនេះ ហួសកាលបរិច្ឆេទប្រើប្រាស់ វាអាចបង្កឱ្យមានការប៉ះពាល់សុខភាពពេលបរិភោគ ។
លោកថ្លែងទៀតថា មន្ត្រីសាខាកាំក្រុងត្រូល តែងចុះអប់រំជារឿយៗ តែយើងមិនអាចធ្វើបានគ្រប់ជ្រុង ជ្រោយឡើយ សំខាន់គឺបងប្អូនអាជីវករ និងប្រជាពលរដ្ឋ ត្រូវរួមគ្នាស្វែងយល់ពីការប្រើប្រាស់ចំណីអា
ហារដោយខ្លួនឯង ព្រោះទំនិញខ្លះមានស្លាកសញ្ញា លេខថ្ងៃខែឆ្នាំផលិត បើពិនិត្យឃើញថា វាជិតផុតឬហួស កំណត់ ឬគ្មានសញ្ញាសម្គាល់សូមកុំទិញបរិភោគ ។
លោក លាង សោភា អ្នកលក់ចំណីអាហារបានទទួល ស្គាល់ថា កន្លងមក ធ្លាប់មានកុមារម្នាក់ស្លាប់នៅភូមិឃុំព្រះរំកិល ស្រុកថាឡាបរិវ៉ាត់ដោយសារតែបរិភោគចាហួយដូង និងទឹកក្រូច ស្រាប់តែរាក ក្អួត ព្យាបាលមិនទាន់ ។
លោកសំណូមពរឱ្យមន្ត្រីសាខាកាំកុងត្រូល ឧស្សាហ៍ចុះត្រួតពិនិត្យឱ្យបានញឹកញាប់ ដើម្បីសុខភាពអ្នកបរិភោគ ព្រោះបច្ចុប្បន្នមានទំនិញក្លែងបន្លំច្រើន ហើយពួកគាត់ជាអ្នកលក់ដូរក៏រួមគ្នាប្រុងប្រយ័ត្នដែរក្រោយពីទទួលបានការណែនាំនេះ ។អាជីវករលក់ទំនិញនៅជិតផ្សារគីឡូ២ទទួលស្គាល់ថា បញ្ហាចំណីអាហារគ្មានកាលបរិច្ឆេទប្រើប្រាស់ ឬសញ្ញាសម្គាល់នេះ ជាបញ្ហាមួយបង្ហាញពីភាពគ្រោះថ្នាក់បំផុត ពីព្រោះកាលណាចំណីអាហារនៅសេសសល់យូរវាបំលែងរសជាតិទៅជាជូរផ្អូម ។
សូមបញ្ជាក់ថា ក្នុងសកម្មភាពចុះពិនិត្យនេះមន្ត្រីសាខាកាំកុងត្រូលខេត្ត បានដកហូតទឹកដោះគោអាដេខូច គុណភាព១.៤៨៨ដប ទឹកខ្វរៀរ៧៨ដប ទឹកវីតា៤៨ដប ទឹកក្រូចហ្វាន់តាមួយយួរ និងនំស្រួយចំនួន២០កញ្ចប់ផងដែរ ។ក្រោយការដកហូតទំនិញខូចគុណភាពនេះ មន្ត្រីសាខាកាំកុងត្រូលខេត្ត បានយកទៅរក្សាទុកដើម្បីត្រៀមដុតបំផ្លាញចោលនាពេលខាងមុខ ៕
ចែករំលែកព័តមាននេះ