Messi ព្រ​លែង​ក្រុម​ជម្រើសជាតិ​ចោល​ទៅ​លំហែកាយ​ជាមួយ​ប្រពន្ធ​កូន​យ៉ាង​រំភើយ


តាម​ប្រភព​ព័ត៌មាន Daily Mail បាន​ឲ្យ​ដឹង​ថា កីឡាករ​ជើង​ខ្លាំង​របស់​អា​ហ្ស​ង់​ទី​ន Lionel Messi បាន​ចំណាយពេល​ជាមួយ​ប្រពន្ធ និង​កូន​ៗ ខណៈ​ដែល​រូបគេ​ផ្អាក​លេង​ឲ្យ​ក្រុម​ជម្រើសជាតិ​ក្នុង​រដូវ​កាល​នេះ ។

ក្រោយ​ពី​អា​ហ្ស​ង់​ទី​ន​ធ្លាក់​ចេញពី World Cup នៅ​រុ​ស្ស៊ី​កីឡាករ​ឆ្នើម​រូប​នេះ​បាន​សម្រេចចិត្ត​មិន​លេង​ទៀត​ទេ​សម្រាប់​ក្រុម​ជម្រើសជាតិ​នៅ​រដូវ​កាល​នេះ ។ បើ​ទោះបីជា​បាន​បង្ហាញ​ការ​អន់ចិត្ត​បែប​នេះ​ក៏​ដោយ Messi មិន​ទាន់​បាន​ប្រកាស​ជា​ផ្លូវការ​ថា នឹង​ចូល​និវត្តន៍​ពី​ក្រុម​ជម្រើសជាតិ​នោះ​ទេ ។ ភាគរយ​នៅ​តែ​មាន​សម្រាប់ Messi ទៅ​លេង​ឲ្យ​អា​ហ្ស​ង់​ទី​ន​វិញ​ដដែល ។

ជំនួស​ការ​ប្រកួត​ឲ្យ​ក្រុម​ជម្រើសជាតិ​តទល់​នឹង Guatermala និង Colombia កីឡាករ​អាយុ​៣១​ឆ្នាំ​រូប​នេះ​បាន​នៅ​ចំណាយពេល​ជាមួយនឹង​កូន​ៗ​ទាំង​បី​នាក់​រួម​មាន Thiago អាយុ​៥​ឆ្នាំ​, Mateo ដែល​គ្រប់​អាយុ​៣​ឆ្នាំ​នៅ​ថ្ងៃនេះ និង Ciro អាយុ​បាន​៦​ខែ ។

កាលពី​ថ្ងៃ​ព្រហស្បតិ៍ Messi បាន​បង្ហោះ​រូប​របស់​ខ្លួន​ដើរ​ជាមួយនឹង​កូនប្រុស Thiago និង Mateo ទៅ​សាលារៀន និង​រូប​កូនប្រុស​កំពុង​នៅ​ក្នុង​សាលា ។ Messi ក៏​បាន​បង្ហោះ​រូបថត​ជាមួយនឹង​ប្រពន្ធ Antonella ជាមួយនឹង​កូន​ៗ៣​នាក់​នៅ​បន្ទាប់​ពី​នោះ​ផង​ដែរ ។

គួរ​បញ្ជាក់​ផង​ដែរ​ថា Messi បាន​លេង​ឱ្យ​ក្រុម​ជម្រើសជាតិ​ចំនួន​១២៨​ដង ជាមួយនឹង​ការ​ស៊ុត​បញ្ចូល​ទី​បាន​៦៥​គ្រាប់ ដែល​ធ្វើ​ឲ្យ​រូបគេ​ជា​កីឡាករ​ស៊ុត​ចូល​ទី​បាន​ច្រើន​ជាងគេ​ប្រចាំ​ក្រុម លើស Gabriel Batistuta ដែល​បាន​៥៤​គ្រាប់ និង Sergio Aguero ដែល​បាន​៣៩​គ្រាប់ ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

កីឡាអន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ