រាជធានីភ្នំពេញ ៖ ជនសង្ស័យម្នាក់ក្នុងចំណោម២នាក់បានធ្វើសកម្មភាពឆក់កាបូបប្តីប្រពន្ធ២នាក់មិនបានសម្រេចត្រូវបានជនរងគ្រោះបើកបំបុកឃាត់បានម្នាក់រួមនឹងម៉ូតូមួយគ្រឿង ចំណែកឯជនសង្ស័យម្នាក់ទៀតរត់គេចខ្លួនបាត់ បង្កឲ្យមានការភ្ញាក់ផ្អើលកាលវេលម៉ោង៩នឹង៣០នាទីយប់ថ្ងៃទី១១ ខែកញ្ញា ឆ្នាំ២០១៨ នៅតាមបណ្ដោយផ្លូវបេតុង ភូមិចំការឪឡឹក សង្កាត់ចោមចៅ៣…
រាជធានីភ្នំពេញ ៖ ជនសង្ស័យម្នាក់ក្នុងចំណោម២នាក់បានធ្វើសកម្មភាពឆក់កាបូបប្តីប្រពន្ធ២នាក់មិនបានសម្រេចត្រូវបានជនរងគ្រោះបើកបំបុកឃាត់បានម្នាក់រួមនឹងម៉ូតូមួយគ្រឿង ចំណែកឯជនសង្ស័យម្នាក់ទៀតរត់គេចខ្លួនបាត់ បង្កឲ្យមានការភ្ញាក់ផ្អើលកាលវេលម៉ោង៩នឹង៣០នាទីយប់ថ្ងៃទី១១ ខែកញ្ញា ឆ្នាំ២០១៨ នៅតាមបណ្ដោយផ្លូវបេតុង ភូមិចំការឪឡឹក សង្កាត់ចោមចៅ៣ ខណ្ឌពោធិ៍សែនជ័យ ។
ជនរងគ្រោះឈ្មោះ សេង ហម ភេទប្រុស អាយុ៥០ឆ្នាំ មុខរបរជាងជួសជុលរថយន្ត រស់នៅផ្លូវ៥១៤ ភូមិ១៣ សង្កាត់បឹងកក់១ ខណ្ឌទួលគោក មានប្រពន្ធឈ្មោះ ហ៊ន ស្រីពេជ្រ អាយុ៣១ឆ្នាំ មុខរបរនៅផ្ទះរស់ជាមួយប្តី ។ ជនសង្ស័យឈ្មោះ កែវ សុវណ្ណរចនា អាយុ១៩ឆ្នាំ មុខរបរកម្មករសំណង់ ស្នាក់នៅភូមិប្រពេជ្រ សង្កាត់សំរោងក្រោម ខណ្ឌពោធិ៍សែនជ័យ ជិះម៉ូតូម៉ាកស៊ុយសូគីនិច ពណ៌ទឹកប្រាក់ ។
តាមប្រភពព័ត៌មានពីជនរងគ្រោះជាប្តីបាននិយាយថា នៅមុនពេលកើតហេតុរូបគាត់បានជិះម៉ូតូឌុបប្រពន្ធរបស់គាត់ពីផ្ទះបងប្អូនរបស់គាត់ទៅការាសរថយន្តរបស់គាត់វិញដោយប្រពន្ធរបស់គាត់កាន់កាបូប លុះបើកមកដល់ចំណុចកើតហេតុស្រាប់តែឃើញជនសង្ស័យចំនួន២នាក់ជិះម៉ូតូមួយគ្រឿងស៊ុយសូគីនិចមួយគ្រឿងបានជិះពីក្រោយហើយធ្វើសកម្មភាពឆក់កាបូបពីប្រពន្ធរបស់គាត់បណ្តាលអោយធ្លាក់ពីម៉ូតូរងរបួសរលាត់ដៃរលាត់ជើង ។
ប្រភពបានបន្តទៀតថា ខណៈភ្លាមៗនោះជនរងគ្រោះជាប្តីបានដឹងថា ជនសង្ស័យខាងលើបានធ្វើសកម្មភាពឆក់កាបូបប្រពន្ធរបស់ខ្លួន ។ គាត់បានបើកម៉ូតូបំបុកម៉ូតូជនសង្ស័យបណ្ដាលឲ្យដួលម៉ូតូ និងរួមទាំងប្រជាពលរដ្ឋឃាត់បានជនសង្ស័យម្នាក់ ចំណែកម្នាក់ទៀតបានរត់គេចខ្លួនបាត់ស្រមោល ។
ក្រោយពេលកើតហេតុឃាត់ជនសង្ស័យបានម្នាក់ហើយជនរងគ្រោះទាំង២នាក់បាននាំគ្នាទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលចោមចៅ៣ដើម្បីឲ្យសមត្ថកិច្ចកសាងសំណុំរឿងបញ្ជូនទៅជំនាញព្រហ្មទណ្ឌខណ្ឌពោធិ៍សែនជ័យចាត់ការតាមនីតិវិធី ៕
ចែករំលែកព័តមាននេះ