រាជធានីភ្នំពេញ ៖ យុវជនជាបុគ្គលិកបម្រើកាងារនៅហាងម៉ាស្ទ័រស៊ុគីស៊ុបម្នាក់ត្រូវក្រុមជនសង្ស័យមួយក្រុមមានគ្នា៤នាក់បានធ្វើសកម្មភាពវាយប្លន់យកម៉ូតូហុងដាឌ្រីម ស៊េរីឆ្នាំ២០១៨ មួយគ្រឿងបានសម្រេច ខណៈយុវជននោះជិះម៉ូតូចេញពីផ្ទះសង្សារទៅទិញបង្អែមនៅម្តុំផ្លូវម៉ៅសេទុង កាលពីវេលាម៉ោង២រំលងអធ្រាត្រឈានចូលថ្ងៃទី១២ ខែកញ្ញា ឆ្នាំ២០១៨ នៅផ្លូវ៩៥…
រាជធានីភ្នំពេញ ៖ យុវជនជាបុគ្គលិកបម្រើកាងារនៅហាងម៉ាស្ទ័រស៊ុគីស៊ុបម្នាក់ត្រូវក្រុមជនសង្ស័យមួយក្រុមមានគ្នា៤នាក់បានធ្វើសកម្មភាពវាយប្លន់យកម៉ូតូហុងដាឌ្រីម ស៊េរីឆ្នាំ២០១៨ មួយគ្រឿងបានសម្រេច ខណៈយុវជននោះជិះម៉ូតូចេញពីផ្ទះសង្សារទៅទិញបង្អែមនៅម្តុំផ្លូវម៉ៅសេទុង កាលពីវេលាម៉ោង២រំលងអធ្រាត្រឈានចូលថ្ងៃទី១២ ខែកញ្ញា ឆ្នាំ២០១៨ នៅផ្លូវ៩៥ កែងនឹងផ្លូវម៉ៅសេទុង នៅជិតហាងម៉ាស្ទ័រស៊ុគីស៊ុប សង្កាត់បឹងកេងកង៣ ខណ្ឌចំការមន ។
យុវជនរងគ្រោះមានឈ្មោះ រុន រត្ននី អាយុ២០ឆ្នាំ ជាបុគ្គលិកហាង ម៉ាស្ទ័រស៊ុគីស៊ុប ស្នាក់នៅសង្កាត់ស្ទឹងមានជ័យ មានស្រុកកំណើតនៅភូមិត្រពាំងថ្មី ឃុំត្រពាំងសាវ ស្រុកអន្លង់វែង ខេត្តឧត្តរមានជ័យ ម៉ូតូដែលក្រុមជនសង្ស័យវាយប្លន់យកទៅនោះម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៨ ពាក់ផ្លាកលេខ ឧត្តមានជ័យ១D-៣០៦៩ ។
តាមចម្លើយសារភាពរបស់ជនរងគ្រោះបានប្រាប់អោយដឹងថា មុនកើតហេតុគឺរូបគេចេញពីធ្វើការក៏ទៅលេងផ្ទះជួលសង្សាររបស់ខ្លួនមានទីតាំងនៅជិតកន្លែងកើតហេតុខាងលើ លុះដល់ម៉ោងកើតហេតុរូបគេក៏ជិះម៉ូតូចេញមកក្រៅដើម្បីទិញបង្អែមយកទៅញាំនៅបន្ទប់វិញ ខណៈ ជិះតាមផ្លូវលេ៩៥មកដល់ក្រោយហាងម៉ាស្ទ័រស៊ុគីស៊ុប ។
ស្រាប់តែលេចមុខជនសង្ស័យមួយក្រុមមានគ្នា៤នាក់ជិះម៉ូតូ២គ្រឿង មួយគ្រឿងម៉ាកហុងដាឌ្រីមមានគ្នា២នាក់ និងមួយគ្រឿងទៀតមិនចាំម៉ាកបានជិះពីក្រោយម៉ូតូខ្លួនហួសទៅមុខបន្តិច ស្រាប់តែពួកគេបានបត់ត្រឡប់មកក្រោយវិញឈប់ពីមុខម៉ូតូខ្លួនរួចក៏ស្ទុះមកព្រួតវាយរូបគេដោយដៃឃើញដូច្នោះរូបគេភ័យបានរត់ចេញពីម៉ូតូក៏ត្រូវបក្សពួកក្រុមជនសង្ស័យលើកយកម៉ូតូគាត់ជិះចេញទៅបាត់ស្រមោលអស់ដោយសុវត្ថិភាពដោយមិនរំខានដល់សមត្ថកិច្ចឡើយ ។
ក្រោយកើតយុវជនរងគ្រោះខាងលើបានត្រឹមតែទៅដាក់ពាក្យបណ្តឹងនៅប៉ុស្តិ៍នគរបាលបឹងកេងកង៣ដើម្បីអោយសមត្ថកិច្ចជួយស្រាវជ្រាវរកម៉ូតូខ្លួនវិញផងទាំងដឹងគ្មានសង្ឃឹមថា បានម៉ូតូត្រឡប់មកវិញ ៕
ចែករំលែកព័តមាននេះ