ខេត្តរតនគិរី ៖ សមត្ថកិច្ចប៉ូលិសស្រុកបរកែវចាប់បានជនសង្ស័យម្នាក់លួចរបស់របរអ្នកភូមិយ៉ាងសកម្ម ហើយមានប្រជាពលរដ្ឋក្នុងភូមិបានមកប្តឹងប៉ូលិសជាញឹកញាប់ ទើបរកមុខជនសង្ស័យម្នាក់នេះឃើញ ។ ហេតុការណ៍នេះបានកើតឡើងកាលពីវេលាម៉ោង៥និង៥០នាទីល្ងាចថ្ងៃទី១១ ខែកញ្ញា ឆ្នាំ២០១៨ នៅចំណុចផ្ទះជនសង្ស័យស្ថិតនៅភូមិ១…
ខេត្តរតនគិរី ៖ សមត្ថកិច្ចប៉ូលិសស្រុកបរកែវចាប់បានជនសង្ស័យម្នាក់លួចរបស់របរអ្នកភូមិយ៉ាងសកម្ម ហើយមានប្រជាពលរដ្ឋក្នុងភូមិបានមកប្តឹងប៉ូលិសជាញឹកញាប់ ទើបរកមុខជនសង្ស័យម្នាក់នេះឃើញ ។ ហេតុការណ៍នេះបានកើតឡើងកាលពីវេលាម៉ោង៥និង៥០នាទីល្ងាចថ្ងៃទី១១ ខែកញ្ញា ឆ្នាំ២០១៨ នៅចំណុចផ្ទះជនសង្ស័យស្ថិតនៅភូមិ១ ឃុំឡាមិញ ស្រុកបរកែវ។
មន្ត្រីប៉ូលិសបានអោយដឹងថា ជនសង្ស័យឈ្មោះនៅ និត ភេទប្រុស អាយុ៣៨ឆ្នាំ មុខរបរមិនពិតប្រាកដ មានទីលំនៅភូមិឃុំខាងលើ ។
សមត្ថកិច្ចបានបញ្ជាក់ថា បើតាមការសារភាពរបស់ជនសង្ស័យបានប្រាប់ប៉ូលិសថា ខ្លួនបានទៅលួចរបស់
របរអ្នកភូមិកាលពីវេលាម៉ោង១យប់រំលងអធ្រាត្រឈានចូលថ្ងៃទី៣ កញ្ញា ឆ្នាំ២០១៨ នៅចំណុចចំការរបស់ឈ្មោះឈន ឈន់ឡាយ ស្ថិតនៅភូមិយឺន ឃុំកក ស្រុកបរកែវ។
ប្រភពដដែលបានបន្តទៀតថា ជនសង្ស័យបានលួចទ្រព្យសម្បតិ្តអ្នកភូមិខាងលើរួមមាន ៖ ម៉ាស៊ីនកាត់ស្មៅ១គ្រឿង, ម៉ាស៊ីនបាញ់ថ្នាំស្មៅ១គ្រឿង, អាគុយ៥០អំពែ១ និង មាន់ចំនួន១៥ក្បាល ហើយសមត្ថកិច្ចដក
ហូតវត្ថុតាងមកវិញបានតែម៉ាស៊ីនកាត់ស្មៅ១ប៉ុណ្ណោះ ចំណែកសល់ប៉ុន្មានទៀតជនសង្ស័យបានយកទៅលក់បាត់អស់ទៅហើយ។
ជនសង្ស័យបានសាភាពទៀតថា ខ្លួនធ្លាប់ធ្វើសកម្មភាពលួចទ្រព្យរបស់អ្នកភូមិរាប់មិនអស់ទេហើយធ្វើសកម្មភាពម្តងមានតែម្នាក់ឯង។
បច្ចុប្បន្ន ជនសង្ស័យត្រូវបានសមត្ថកិច្ចឃុំខ្លួនបណ្តោះអាសន្ននៅអធិការស្រុកបរកែវ ដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការជាបន្តទៀត៕
ចែករំលែកព័តមាននេះ