អុញនោះ…ហ្វាន ពីងពីង ត្រូវប៉ូលិសចាប់ខ្លួន !
សារព័ត៌មានបរទេសផ្សាយកាលពីពេលថ្មីៗកន្លងមកថា នាងហ្វាន ពីងពីង (Fan Bingbing) តារាសម្តែងជនជាតិចិន អាយុ៣៦ឆ្នាំ កំពុងជាប់ឃុំខ្លួន ហើយនាងបានទទួលស្គាល់លើការកាត់ក្ដីតាមផ្លូវច្បាប់ ។…
សារព័ត៌មានបរទេសផ្សាយកាលពីពេលថ្មីៗកន្លងមកថា នាងហ្វាន ពីងពីង (Fan Bingbing) តារាសម្តែងជនជាតិចិន អាយុ៣៦ឆ្នាំ កំពុងជាប់ឃុំខ្លួន ហើយនាងបានទទួលស្គាល់លើការកាត់ក្ដីតាមផ្លូវច្បាប់ ។ ទោះជាយ៉ាងណាក្តីព័ត៌មាននេះបានបាត់ពីវេបសាយ Security Daily តែក្នុងរយៈពេលប៉ុន្មានម៉ោងក្រោយក្រោយពេលផ្សាយរួច ។
របាយការណ៍បញ្ជាក់ថាអាជ្ញាធរចិនមិនអនុញ្ញាតឲ្យនាងហ្វាន ពីងពីង និងលោក Li Chenមិត្តប្រុសជំនិតរបស់នាងធ្វើដំណើរទៅក្រៅប្រទេសទេ ព្រោះកំពុងស្ថិតក្នុងការសុើបអង្កេតលើកិច្ចសន្យាការងារ និងប្រវត្តិនៃការបង់ពន្ធរបស់ពួកគេ ។
ជាពិសេសនាង ហ្វាន ពីងពីង បានទទួលការចោទប្រកាន់ថាធ្វើកិច្ចសន្យាមួយហៅថា«យិនយ៉ាង» ជាឯកសារចំនួន២ច្បាប់ ច្បាប់ទី១បង្ហាញពីប្រាក់ចំណូលផ្លូវការក្នុងការបង់ពន្ធ ប៉ុន្តែមួយច្បាប់ទៀតជាកិច្ចសន្យាការងារ ទោះបីជាមានបញ្ជាក់ច្បាស់លើរឿងចំណូលក៏ដោយ ប៉ុន្តែមានតួលេខខ្ពស់ និងផ្ទេរទៅគណនីសម្ងាត់របស់នាង មានន័យថាបានបង់ពន្ធតិចជាងការណ៍ពិត ។
ចំពោះវេបសាយ ettoday បញ្ជាក់បន្ថែមថាអាជ្ញាធរចិនធ្លាប់បានឃុំខ្លួននាងហ្វាន ពីងពីងម្ដងរួចមកហើយកាលពីចុងខែមិថុនា ប៉ុន្តែបានដោះលែងក្នុងរយៈពេល២ថ្ងៃក្រោយ បន្ទាប់មកក៏ឃាត់ខ្លួនជាថ្មីនៅដើមខែសីហា និងឃុំខ្លួននាងរហូតមក ខណៈពេលរដ្ឋាភិបាលក្រុងប៉េកាំងមិនបានបង្ហាញបញ្ហានេះជាផ្លូវការនៅឡើយ ៕
ចែករំលែកព័តមាននេះ