សត្វលោកខ្លះដេកលក់ស្រួល ដឹងខ្លួនក្រោកឡើងវិញក៏សុខស្រួល ចំណែកអ្នកខ្លះដេកលក់មិនស្ងប់ ចិត្តនៅតែរវើរវាយក្នុងរឿងហេតុផ្សេងៗ ហើយពេលបើកភ្នែកឡើងក៏ជួបទុក្ខលំបាកសព្វបែបយ៉ាង ព្រោះហេតុដូច្នោះហើយបានជាលោកពោលថា ជីវិតយើងនេះប្រជុំទៅដោយបញ្ហា ប្រជុំទៅដោយទុក្ខលំបាកសព្វបែបយ៉ាង។ ដូចនេះដើម្បីបន្ធូរការលំបាកខ្លះបុគ្គលគួររៀនអប់រំចិត្តតាមផ្លូវធម៌ជារឿងសំខាន់បំផុត ព្រោះព្រះធម៌ធ្វើឱ្យមនុស្សស្រឡាញ់រាប់អានគ្នា…
សត្វលោកខ្លះដេកលក់ស្រួល ដឹងខ្លួនក្រោកឡើងវិញក៏សុខស្រួល ចំណែកអ្នកខ្លះដេកលក់មិនស្ងប់ ចិត្តនៅតែរវើរវាយក្នុងរឿងហេតុផ្សេងៗ ហើយពេលបើកភ្នែកឡើងក៏ជួបទុក្ខលំបាកសព្វបែបយ៉ាង ព្រោះហេតុដូច្នោះហើយបានជាលោកពោលថា ជីវិតយើងនេះប្រជុំទៅដោយបញ្ហា ប្រជុំទៅដោយទុក្ខលំបាកសព្វបែបយ៉ាង។
ដូចនេះដើម្បីបន្ធូរការលំបាកខ្លះបុគ្គលគួររៀនអប់រំចិត្តតាមផ្លូវធម៌ជារឿងសំខាន់បំផុត ព្រោះព្រះធម៌ធ្វើឱ្យមនុស្សស្រឡាញ់រាប់អានគ្នា សាមគ្គីគ្នា ស្រុះស្រួលគ្នាជាឯកច្ឆន្ទ លែងមានចិត្តលោភលន់ លែងច្រណែនឈ្នានីស លែងហ៊ានបៀតបៀនគ្នា ហើយទុក្ខលំបាកផ្សេងៗទៀតក៏រសាយនាំជីវិតទៅរកសេចក្តីស្ងប់សុខបានច្រើន ។
ផ្ទុយទៅវិញបើចិត្តមិនបានអប់រំតាមផ្លូវធម៌ទេ ជីវិតមិនអាចទ្រាំទ្រនឹងបញ្ហាដែលកើតឡើងរាល់ថ្ងៃបានទេ ព្រោះជីវិតប្រជុំទៅដោយបញ្ហា ។ តាមធម្មតាជីវិតយើងទាំងអស់គ្នា តែងតែពើបប្រទះនូវរឿងរ៉ាវជាប់មកជាមួយរាល់ថ្ងៃ បន្តិចបញ្ហានេះ បន្តិចរឿងនោះចូលមកមិនចេះចប់ដូចស្រមោលអន្ទោលតាមប្រាណ បើយើងមិនមានបញ្ញាសម្រាប់ដោះស្រាយទេ នឹងជួបការលំបាកតានតឹងក្នុងចិត្តជានិច្ច ។
ទាក់ទងនឹងបញ្ហាផ្លូវចិត្តនេះ យើងបានសម្រួលតាមរយៈការសិក្សាព្រះធម៌ តាមរយៈនៃការអានសៀវភៅ រួមនឹងការស្តាប់ឱ្យបានច្រើន ក៏អាចយល់ដឹងក្នុងរឿងពិតនៃជីវិត ពេលនោះយើងក៏បានស្រាកស្រាន្តពីការតានតឹងចង្អៀតចង្អល់ក្នុងបញ្ហាជីវិតបានច្រើន ។
ចែករំលែកព័តមាននេះ