រាជធានីភ្នំពេញ ៖ មន្ត្រីជាន់ខ្ពស់របស់ធនាគារពិភពលោក (World Bank) ប្រចាំនៅអគ្គនាយកដ្ឋានឧត្តមសិក្សា បានណាត់សមាគមគ្រឹះស្ថានឧត្តមសិក្សាកម្ពុជា ជួបពិភាក្សា តែដល់ម៉ោងណាត់ជួបបែរជាមិនមកជួប ដោយគ្មានមូលហេតុទៅវិញ។…
រាជធានីភ្នំពេញ ៖ មន្ត្រីជាន់ខ្ពស់របស់ធនាគារពិភពលោក (World Bank) ប្រចាំនៅអគ្គនាយកដ្ឋានឧត្តមសិក្សា បានណាត់សមាគមគ្រឹះស្ថានឧត្តមសិក្សាកម្ពុជា ជួបពិភាក្សា តែដល់ម៉ោងណាត់ជួបបែរជាមិនមកជួប ដោយគ្មានមូលហេតុទៅវិញ។ គោលបំណងនៃការជួបជុំ នាព្រឹកថ្ងៃទី១១ ខែកញ្ញា ឆ្នាំ២០១៨នេះ គឺដើម្បីបង្ហាញនូវគម្រោងកែលម្អការអប់រំឧត្ដមសិក្សា ដែលនឹងគាំទ្រដល់គ្រឹះស្ថានឧត្ដមសិក្សាឯកជន ក្នុងការលើកកម្ពស់គុណភាពបង្រៀន និងរៀន ការកែលម្អ កម្មវិធីសិក្សាការអភិវឌ្ឍ សមត្ថភាពបុគ្គលិកអប់រំ និងការលើកកម្ពស់សមត្ថភាពស្ថាប័ន។
សេចក្ដីជូនដំណឹងរបស់សមាគមគ្រឹះស្ថានឧត្ដមសិក្សាកម្ពុជាបានបញ្ជាក់ថា ទី១-យោងតាមលិខិតលេខ១៥៥ អគ.ឧស ចុះថ្ងៃទី២៩ ខែសីហា ឆ្នាំ២០១៨ ស្ដីពី សំណើសុំណាត់ជួបពិភាក្សា កែលម្អលើគម្រោងឧត្ដមសិក្សាកម្ពុជា ដែលចុះហត្ថលេខាដោយ លោក ម៉ក់ ងយ អគ្គនាយក នៃអគ្គនាយកដ្ឋានឧត្ដមសិក្សា។ ទី២-នៅថ្ងៃទី១០ ខែកញ្ញា ឆ្នាំ២០១៨ វេលាម៉ោង៩ព្រឹក ក្រុមប្រឹក្សាភិបាល សមាគមគ្រឹះស្ថានឧត្ដមសិក្សាកម្ពុជា បានមកជួបជុំរង់ចាំការប្រជុំ ប៉ុន្ដែត្រូវបានអាក់ខានវិញ ដោយមន្ត្រីជាន់ខ្ពស់ធនាគារពិភពលោក (World Bank) សម្រេចមិនចូលរួមប្រជុំតាមពេលវេលាកំណត់ ដោយគ្មានមូលហេតុអីទាល់តែសោះ៕
ចែករំលែកព័តមាននេះ