សហរដ្ឋអាមេរិក ៖ ពលរដ្ឋអាមេរិកប្រមាណជាង១លាននាក់ ត្រូវជម្លៀសចេញពីតំបន់ឆ្នេរសមុទ្រខាងកើតរបស់ប្រទេស ដែលកំពុងរងការគំរាមកំហែងដោយព្យុះសង្ឍរាឈ្មោះ FLORENCE ដែលនាថ្ងៃទី១០កញ្ញាបានពង្រឹងកម្លាំងជាមួយល្បឿនខ្យល់២២០គីឡូម៉ែត្រក្នុង១ម៉ោង។ អភិបាលរដ្ឋការ៉ូលីនខាងត្បូងលោក HENRY MCMASTER…
សហរដ្ឋអាមេរិក ៖ ពលរដ្ឋអាមេរិកប្រមាណជាង១លាននាក់ ត្រូវជម្លៀសចេញពីតំបន់ឆ្នេរសមុទ្រខាងកើតរបស់ប្រទេស ដែលកំពុងរងការគំរាមកំហែងដោយព្យុះសង្ឍរាឈ្មោះ FLORENCE ដែលនាថ្ងៃទី១០កញ្ញាបានពង្រឹងកម្លាំងជាមួយល្បឿនខ្យល់២២០គីឡូម៉ែត្រក្នុង១ម៉ោង។
អភិបាលរដ្ឋការ៉ូលីនខាងត្បូងលោក HENRY MCMASTER ថ្លែងថា នោះជាព្យុះសង្ឃរាសែនគ្រោះថ្នាក់មួយ។ យើងពុំចង់ឲ្យមានគ្រោះថ្នាក់ដល់អាយុជីវិតមនុស្សឡើយ។
លោកបញ្ជាក់ថា ការជម្លៀសមនុស្សចេញចាប់ផ្ដើមពីថ្ងៃទី១១ កញ្ញាទៅ នឹងទាក់ទិនដល់ប្រជាជនតំបន់មាត់សមុទ្រក្នុងបណ្ដោយប្រវែង៣២០គីឡូម៉ែត្រ។ ចំណែកប្រធានាធិបតីអាមេរិកលោកដូណាល់ ត្រាំ តាម TWITTER សរសេរថា យើងនឹងរួមសុខទុក្ខជាមួយលោកអ្នក។ លោកអំពាវនាវដល់ប្រជាជនឲ្យតាមដានការណែនាំផ្លូវការនានា ប្រឈមមុខនឹងព្យុះដ៏គ្រោះថ្នាក់បំផុតនេះ។អាជ្ញាធរសហព័ន្ធត្រៀមជួយធ្វើអន្តរាគមន៍។
ប្រឈមមុខនឹងព្យុះនោះប្រជាជនបានត្រៀមបំរុង ដោយនាំគ្នាទិញបាវប្លាស្ទិកច្រកខ្សាច់ទុកការពារផ្ទះឬហាង។ ហើយប្រជាជនក៏បន្តកន្ទុយគ្នាទិញហ្គាស់និងប្រេងសាំងព្រមទាំងរបស់របរចាំចាច់នានាស្តុកទុក។
រីឯកងយោធាវិញក៏ប្រុងប្រៀបខ្លួន ដោយចាក់បំពេញប្រេងបណ្ដារថយន្ត។ រូបភាព និងវីដេអូជាច្រើនបង្ហាញពីហាងទាំងឡាយលក់ទំនិញអស់ ព្រមទាំងមនុស្សឈរបន្តកន្ទុយគ្នានៅមុខហាងផ្សេងៗ ហើយក៏បង្ហាញពីការជ្រួលច្របល់ផងដែរ៕
ចែករំលែកព័តមាននេះ