ប្រទេសលីប៊ី ៖ ដោយដកស្រង់សម្ដីអ្នកនៅរស់រានមានជីវិត អង្គការគ្រូពេទ្យគ្មានព្រំដែនMSF បានរាយការណ៍នាថ្ងៃទី១០ កញ្ញា ឱ្យដឹងថា ជនអន្តោប្រវេសន៍ជាង១០០នាក់បានលង់ទឹកស្លាប់នាដើមខែនេះ ដោយសារការលិចនាវា២គ្រឿងដែលពួកគេជិះក្នុងដែនទឹកនៃឆ្នេរសមុទ្រលីប៊ី។
MSF បានបញ្ជាក់ទៀតថា កាណូតកៅស៊ូទាំង២បានលិច ក្រោយចាកចេញពីឆ្នេរសមុទ្រលីប៊ី កាលពីថ្ងៃទី១ កញ្ញា ដោយក្នុងកាណូតនីមួយៗមានមនុស្សជិះជាច្រើនសិបពាន់នាក់ ភាគច្រើនជាពួកអាហ្វ្រិក។
ហើយអ្នកនៅរស់រានមានជីវិតម្នាក់រៀបរាប់បានប្រាប់ MSF ឱ្យដឹងថា ម៉ាស៊ីនកាណូតកៅស៊ូមួយបានខូច រួចកាណូតមួយទៀតបានផ្ទុះធ្លាយ។ ចំណែកជនអន្តោប្រវេសន៍មួយចំនួនបានតោងបំណែក ហើយមនុស្សជាច្រើននាក់ត្រូវបានជួយស្រង់ដោយកងឆ្មាំឆ្នេរសមុទ្រលីប៊ី នាំមកកាន់កំពង់ផែ KHOMS លីប៊ី នាថ្ងៃទី២ កញ្ញា៕
ចែករំលែកព័តមាននេះ