ខេត្តព្រៃវែង ៖ បុគ្គលម្នាកដែលគេស្គាល់ឈ្មោះ ស៊ិន ចាន់ណារី ហៅឡាក់ មិនត្រឹមតែធ្វើសកម្មភាពលើកទំនប់បិតជិតប្រព័ន្ធរំដោះទឹកពីមុខស្ពានជប៉ុនផ្គើនទៅនឹងកិច្ចសន្យារបស់អាជ្ញាធរបង្កការលំបាកដល់ការរស់នៅរបស់ពលរដ្ធចាល់ទឹកលិចផលដំណាំ ផ្ទះសម្បែង និងហេដ្ធារចនាសម្ព័ន្ធផ្លូវប៉ុណ្ណោះនោះទេ ថែមទាំងបានសាងសង់សំណង់រឹងផ្ទះថ្មនៅជាប់គល់ស្ពានក្នុងដីចំណីថ្នល់ថែមទៀតត្រង់ចំណុចភូមិសំរោងក្អែ…
ខេត្តព្រៃវែង ៖ បុគ្គលម្នាកដែលគេស្គាល់ឈ្មោះ ស៊ិន ចាន់ណារី ហៅឡាក់ មិនត្រឹមតែធ្វើសកម្មភាពលើកទំនប់បិតជិតប្រព័ន្ធរំដោះទឹកពីមុខស្ពានជប៉ុនផ្គើនទៅនឹងកិច្ចសន្យារបស់អាជ្ញាធរបង្កការលំបាកដល់ការរស់នៅរបស់ពលរដ្ធចាល់ទឹកលិចផលដំណាំ ផ្ទះសម្បែង និងហេដ្ធារចនាសម្ព័ន្ធផ្លូវប៉ុណ្ណោះនោះទេ ថែមទាំងបានសាងសង់សំណង់រឹងផ្ទះថ្មនៅជាប់គល់ស្ពានក្នុងដីចំណីថ្នល់ថែមទៀតត្រង់ចំណុចភូមិសំរោងក្អែ ឃុំសំរោងធំ ស្រុកកៀនស្វាយ ខេត្តកណ្តាល តែអាជ្ញាធរហាក់បីដូចជាមិនមានការអើពើនោះឡើយ ។
គួរបញ្ជាក់ថា ប្រព័ន្ធរំដោះទឹកមួយកន្លែងត្រង់ចំណុចគល់ស្ពានជប៉ុនទី១បើទិសដៅទៅពីភ្នំពេញក្នុងភូមិ-ឃុំខាងលើនេះគឺរដ្ឋមកកាយផ្តាច់ថ្នល់ជាតិលេខ១តាំងពីឆ្នាំ២០០០ដើម្បីបញ្ចៀសកុំឲ្យមានការលិចលង់ប៉ះពាល់ដល់ផលដំណាំ ផ្ទះសម្បែង និងហេដ្ធារចនាសម្ព័ន្ធផ្សេងៗជាពិសេសកុំឲ្យលិចទីក្រុងភ្នំពេញ ។
បន្ទាប់មកបានអភិវឌ្ឍន៍ធ្វើថ្នល់ជាតិលេខ១ និងស្ពានដ៏វែងហើយធំស្រស់ស្អាតសម្រាប់ធ្វើជាប្រព័ន្ធរំដោះទឹកកុំឲ្យប្រជាពលរដ្ធជួបការលំបាកនូវគ្រោះទឹកជំនន់លិចលង់ប៉ះពាល់ដល់ការរស់នៅដូចកាលពីឆ្នាំ២០០០ទៀត ។
ស្រាប់តែឥឡូវត្រូវឈ្មោះ ស៊ិន ចាន់ណារី ហៅឡាក់ នោះមកអះអាងថា ដីនៅចំកន្លែងអភិវឌ្ឍន៍ស្ពាននេះគឺជាដីកម្មសិទ្ធរបស់គេដែលបានទិញតាំងពីស្ពានមិនទាន់ធ្វើ ហើយបានធ្វើសកម្មភាពលើកទំនប់បិតជិតពីខាងមុខស្ពានតែម្តង ។
ហើយពាក់ព័ន្ធបញ្ហានេះប្រជាពលរដ្ធជាច្រើនបាននាំគ្នាធ្វើការតវ៉ាជាច្រើនលើកច្រើនសាររហូតដល់អាជ្ញាធរស្រុក ឃុំ ចុះមកធ្វើកិច្ចសន្យាតម្រូវឲ្យបុគ្គលឈ្មោះ ស៊ិន ចាន់ណារី ហៅឡាក់ នេះត្រូវកាយបើកផ្លូវទឹក និងដាក់លូកុំឲ្យទឹកហូរកាត់ដាច់ផ្លូវបង្កការលំបាក់ដល់ពលរដ្ធធ្វើដំណើរដឹកជញ្ជូនកសិផលនារដូវប្រាំង តែបុគ្គលនោះមិនបានអនុវត្តន៍តាមកិច្ចសន្យារបស់អាជ្ញាធរដាក់លូ ឬកាយទុកប្រព័ន្ធរំដោះទឹកនោះឡើយគឺបិទជិតតែម្តង ៕
ចែករំលែកព័តមាននេះ