រាជធានីភ្នំពេញ ៖ សិស្សស្ទើរតែ២៥ខេត្ត-ក្រុង បានកើតទុក្ខមិនសុខចិត្តនឹងលទ្ធផលបាក់ឌុបកាន់តែខ្លាំងឡើង ដោយនៅរសៀលថ្ងៃទី១១ កញ្ញា នេះ ពួកគេបាននាំគ្នាមកតវ៉ានៅមុខក្រសួងអប់រំ យុវជន និងកីឡា ជាថ្មីម្តងទៀត ទាមទារឱ្យធ្វើការពិនិត្យសំណៅវិញ្ញាសាសរសេររបស់ពួកគេឡើងវិញ ។
គួររំលឹកថា សិស្សដែលកើតទុក្ខមិនសុខចិត្តចំពោះលទ្ធផលប្រឡងធ្លាក់មុខវិជ្ជាគណិតវិទ្យា កាលពីព្រឹកថ្ងៃទី១០ កញ្ញា ក៏បាននាំគ្នាមកតវ៉ានៅមុខក្រសួងអប់រំ យុវជន និងកីឡា ទាមទារឱ្យធ្វើការពិនិត្យសំណៅវិញ្ញាសាសរសេររបស់ពួកគេឡើងវិញ ។
សិស្សមួយចំនួនមានការលើកឡើងថា អាចមានបញ្ហាមិនប្រក្រតី ព្រោះពួកគេជឿជាក់ថា សន្លឹកកិច្ចការគណិតរបស់ខ្លួនធ្វើបានត្រឹមត្រូវ ទើបពួកគេប្រមូលគ្នាសម្តែងការមិនសុខចិត្តចំពោះលទ្ធផលនិទ្ទេស F និងនាំគ្នាមកតវ៉ានៅមុខក្រសួងអប់រំ យុវជន និងកីឡា ។
ពួកគេចង់ឱ្យក្រសួងពិនិត្យមើលឡើងវិញ ប្រសិនបើពួកគេពិតជាធ្វើខុសមែនក៏មិនតវ៉ាដែរ ប៉ុន្តែខ្លាចការកែខុសបច្ចេកទេសមួយចំនួន ទើបបានជាពួកគេបរាជ័យមិនទទួលលទ្ធផលដូចការរំពឹងទុកនោះ ។ មិនអាចរកការបំភ្លឺបានឡើយ ពីមន្ត្រីទទួលខុសត្រូវ ៕
ចែករំលែកព័តមាននេះ