មិនខ្វល់ថា យើងធ្វើអ្វីគ្រប់យ៉ាងដើម្បីថែរក្សារាងកាយឡើយ យើងច្រើនតែត្រូវប្រឈមនឹងបញ្ហាសុខភាពជាច្រើនពីចំណីអាហារ បរិដ្ឋានជុំវិញខ្លួន ស្ត្រេស និងអ្វី ផ្សេងៗទៀត។ បញ្ហាមួយដែលប៉ះពាល់មនុស្សច្រើននោះគឺ ជំងឺតម្រងនោម ដែលវាសឹងត្រូវបានគេដឹងយូរណាស់ទៅហើយ ។ តម្រងនោមនុស្សយើងគឺជាសរីរាង្គតែមួយគត់ដែលមាននាទីច្រោះជាតិពុលពីក្នុងឈាម និងក្នុងខ្លួន ។
ជាអកុសល្យ នៅពេលតម្រងនោមនៅតែធ្វើការច្រើនជាប់រហូត វាអាចនឹងខូចមុខងាររបស់វាលឿនដែរ ។ សំណួរនោះគឺថា តើយើងអាចមានវិធីដូចម្តេចដើម្បីលាងសម្អាតតម្រងនោមកុំឲ្យឆាប់ខូចបាន ? សំណាងដែរ យើងមានភេសជ្ជៈលាងសម្អាតមួយចំនួន ដែលអ្នកអាចបង្កើតវាដោយខ្លួនឯងបានដូចជា៖
១-ទឹកផ្លែក្រេនបឺរី ៖ បើសិនជាអ្នកកំពុងតែពិនិត្យរកមើលមធ្យោបាយលាងសម្អាតតម្រងនោមតាមបែបធ្មជាតិ ការញ៉ាំទឹកផ្លែក្រេនបឺរីគឺជាមធ្យោបាយដ៏ល្អបំផុតក្នុងការកំចាត់ជាតិពុលបាន ហើយក៏ប្រហែលជាអាចជួយបង្ការការខូចខាតរបស់តម្រងនោមបានទៀត ។ ទឹកផ្លែក្រេនបឺរីអាចជួយព្យាបាលបញ្ហានៅក្នុងតម្រងនោមច្រើនប្រភេទខុសៗគ្នា ដោយសារតែវាទៅបញ្ចេញបាក់តេរីដែលលូតលាស់ក្នុងបង្ហួរនោមផង និងប្លោកនោមផង ។
២-ទឹក ៖ រឿងនេះប្រហែលជាមធ្យោបាយបែបធម្មជាតិដ៏ល្អបំផុតសម្រាប់បញ្ហាតម្រងនោម ឬបង្ការបញ្ហាតម្រងនោម។ អ្នកប្រហែលជាគិតថា ទឹកមិនមានប្រសិទ្ធភាពទៅលើតម្រងនោមទេ តែអ្នកប្រហែលជាភ្ញាក់ផ្អើលនៅពេលរកឃើញថា អ្នកមិនបានញ៉ាំទឹកច្រើន ។ បញ្ហាដែលយើងច្រើនតែប្រឈមមុខនោះគឺថា យើងមិនសូវបានញ៉ាំទឹកច្រើនពី៦ ទៅ៨កែវក្នុងមួយថ្ងៃដើម្បីឲ្យតម្រងនោមធ្វើការបានល្អឡើយ ។ បើសិនជាអ្នកចង់ការពារតម្រងនោម យកល្អគួរតែព្យាយាមញ៉ាំទឹកច្រើនជារៀងរាល់ថ្ងៃ ។
៣-ទឹកក្រូចឆ្មា ទឹកខ្មេះផ្លែប៉ោម និងប្រេងអូលីវ ៖ មធ្យោបាយផ្សេងមួយទៀតក្នុងការទម្លាក់គ្រួសក្នុងតម្រងនោមគឺញ៉ាំទឹកក្រូចឆ្មារ ។ អ្នកខ្លះនិយាយថា អ្នកគួរតែបន្ថែមប្រេងអូលីវទៅក្នុងទឹកក្រូចឆ្មារនោះដើម្បីជួយឲ្យក្រួសក្នុងតម្រងនោមកាន់ត ែតូចៗទៅ ទើបអាចចេញមកក្រៅបានកាន់តែស្រួល។ ប៉ុន្តែរឿងនេះហាក់បីដូចជាត្រូវបានមនុស្សជាច្រើនប្រើប្រាស់ទឹកខ្មេះផ្លែប៉ោមជំនួសវិញ នៅពេលនិយាយដល់ការព្យាបាលគ្រួសក្នុងតម្រងនោម។
ដើម្បីបង្កើតជាសូលុយស្យុងនេះបាន ចូរផ្សំគ្នាជាមួយនឹងទឹកក្រូចឆ្មារ និងប្រេងអូលីវ ហើយញ៉ាំវាតែម្តងទៅ ។ ចូរញ៉ាំទឹកធម្មតាបន្ថែមក្រោយទៀត។ ចូរងរចាំ ៣០នាទី ចូរលាយទឹកក្រូចឆ្មារមួយចំហៀងជាមួយនឹងទឹក០.៣៥មីលី្លលីត្រ និងដាក់ទឹកខ្មេះផ្លែប៉ោមមួយស្លាបព្រាផង។
៤-ទឹកបន្លែ ៖ ទឹកប្រភេទនេះគឺផ្សំគ្នាដោយបន្លែពណ៌បៃតងជាច្រើនប្រភេទចូលគ្នា ។ ហេតុផលមួយដែលអ្នកគួរតែបញ្ចូលភេសជ្ជៈមួយនេះទៅក្នុងរបបអាហារដែរ ជាពិសេសពេលដែលអ្នកកំពុងតែព្យាយាមសម្អាតតម្រងនោមនោះគឺថា វាផ្ទុកទៅដោយអង់ទីអុកស៊ីដង់ជាច្រើនដែលអាចច្រោះជាតិពុលពីក្នុងរាងកាយ និងលាងសម្អាតរាល់ការស្ទះទាំងឡាយក្នុងតម្រងនោមទៀត ។ យកល្អគួរតែជ្រើសរើស ឃិនឆាយ ស្ពៃក្តោប ត្រសក់ សាឡាត់ និងការ៉ុតកិនចូលគ្នាទៅ (ប្រភពពី៖ Health.com.kh) ៕
ចែករំលែកព័តមាននេះ