រាជធានីភ្នំពេញ ៖ ប្រភពព័ត៌មានច្បាស់ការណ៍ពីមន្ត្រីបម្រើការងារនៅសាលាខណ្ឌច្បារអំពៅ ក៏ដូចជា មន្ត្រីនៅក្នុងសាលាសង្កាត់ច្បារអំពៅទី១ ខណ្ឌច្បារអំពៅ បានបង្ហើបឱ្យដឹងថា ដីអតីតទីតាំងសត្តឃាតមួយកន្លែង ស្ថិតនៅតាមបណ្តោយផ្លូវលេខ៣៦៩ ភូមិព្រះពន្លា…
រាជធានីភ្នំពេញ ៖ ប្រភពព័ត៌មានច្បាស់ការណ៍ពីមន្ត្រីបម្រើការងារនៅសាលាខណ្ឌច្បារអំពៅ ក៏ដូចជា
មន្ត្រីនៅក្នុងសាលាសង្កាត់ច្បារអំពៅទី១ ខណ្ឌច្បារអំពៅ បានបង្ហើបឱ្យដឹងថា ដីអតីតទីតាំងសត្តឃាតមួយកន្លែង ស្ថិតនៅតាមបណ្តោយផ្លូវលេខ៣៦៩ ភូមិព្រះពន្លា សង្កាត់ច្បារអំពៅទី១ ដែលមានផ្ទៃទំហំប្រមាណជិត១ពាន់ម៉ែត្រការ៉េ បានលក់ឱ្យឧកញ៉ាម្នាក់បាត់ទៅហើយ ព្រោះឃើញគេកំពុងសង់របងព័ត្ធយកដីនោះ ។
រីឯមន្ត្រីមូលដ្ឋានបានត្រឹមនិយាយថា ក្រុមហ៊ុនឃុន សៀ Group ជាអ្នកទិញដីអតីតកុងស៊ីកាប់ជ្រូកខាងលើនេះប្រាកដមែន ហើយពីដើមមកដីខាងលើនេះ គឺស្ថិតនៅក្នុងបញ្ជីសារពើភ័ណ្ឌរបស់មន្ទីរបសុព្យាបាលរាជធានីភ្នំពេញ ។
គួររំលឹកផងដែរថា អតីតដីកុងស៊ីកាប់ជ្រូកខាងលើនេះ កាលពីកំឡុងឆ្នាំ២០០៤ និង២០០៥ ត្រូវបាន
អាជ្ញាធរមូលដ្ឋានរៀបចំគម្រោងលក់ឱ្យឈ្មួញម្តងរួចមកហើយ ប៉ុន្តែដោយសារព័ត៌មានបែកធ្លាយដល់បណ្តាញសារព័ត៌មានចុះផ្សាយព្រោងព្រាត ក៏ការលក់ដូរដីរដ្ឋនោះ ត្រូវលក់លែងកើត ផ្អាកចោលរហូតមកដល់ពេលថ្មីៗនេះ ស្ងាត់ៗស្រាប់តែមានព័ត៌មានច្បាស់ការណ៍ថា ដីទីតាំងដដែលខាងលើនេះ ត្រូវបានលក់ឱ្យក្រុមហ៊ុន ឃុន សៀ Group បាត់ដោយរលូន និងស្ងាត់ស្ងៀមបំផុត ។
តើឧកញ៉ា ឃុន សៀ ជាម្ចាស់លើដីសត្តឃាតដ្ឋាននេះមែនឬអត់ មិនមានការបំភ្លឺណាមួយពីម្ចាស់ទេ ព្រោះតាមទូរស័ព្ទមិនអាចទាក់ទងបាន ។
បើមានព័ត៌មានប្លែកយ៉ាងណា យើងនឹងផ្សាយជូនបន្តទៀត ។
ចែករំលែកព័តមាននេះ