ខេត្តកំពង់ស្ពឺ ៖ កម្មករម្នាក់មិនបានប្រយ័ត្នប៉ះនឹងខ្សែភ្លើងស្រាតឆ្លងចរន្តខ្លាំង បណ្តាលឲ្យឆក់ស្លាប់ភ្លាមៗតែម្តង ។ ហេតុការណ៍នេះបានកើតឡើងកាលពីវេលាម៉ោង២និង៣០នាទីរសៀលថ្ងៃទី១០ ខែកញ្ញា ឆ្នាំ២០១៨ ស្ថិតក្នុងភូមិក្រងស្វាយ ឃុំរលាំងគ្រើល…
ខេត្តកំពង់ស្ពឺ ៖ កម្មករម្នាក់មិនបានប្រយ័ត្នប៉ះនឹងខ្សែភ្លើងស្រាតឆ្លងចរន្តខ្លាំង បណ្តាលឲ្យឆក់ស្លាប់ភ្លាមៗតែម្តង ។ ហេតុការណ៍នេះបានកើតឡើងកាលពីវេលាម៉ោង២និង៣០នាទីរសៀលថ្ងៃទី១០ ខែកញ្ញា ឆ្នាំ២០១៨ ស្ថិតក្នុងភូមិក្រងស្វាយ ឃុំរលាំងគ្រើល ស្រុកសំរោងទង ខេត្តកំពង់ស្ពឺ។
ជនរងគ្រោះដែលស្លាប់ឈ្មោះសយ ពៅ ភេទប្រុស អាយុ៤៩ឆ្នាំ រស់នៅភូមិព្រៃសាលា ឃុំរលាំងគ្រើល ស្រុកសំរោងទង។
ប្រភពព័ត៌មានបានឲ្យដឹងថា ជនរងគ្រោះបានទៅស៊ីឈ្នួលធ្វើជាកម្មករឲ្យមេជាងផ្សារដែកម្នាក់ ពេលកំពុងធ្វើផ្ទះមួយខ្នងជារបស់ឈ្មោះចាន់ ចំរើន ភេទប្រុស អាយុ៤៨ឆ្នាំ ស្ថិតនៅក្នុងភូមិក្រងស្វាយ ឃុំរលាំងគ្រើល ស្រុកសំរោងទង។
ប្រភពដដែលបន្តថា នៅវេលាកើតហេតុ ជនរងគ្រោះបានហុចដែកឱ្យមេជាងផ្សារលើដំបូលផ្ទះ ស្រាប់តែចៃដន្យអាក្រក់ បានទៅប៉ះនឹងខ្សែភ្លើងស្រាតឆ្លងចរន្តខ្លាំង បណ្តាលឱ្យឆក់ជនរងគ្រោះស្លាប់ភ្លាមៗ ដោយមិនអាចជួយសង្គ្រោះបានឡើយ។
ក្រោយកើតហេតុការណ៍ សមត្ថកិច្ចបានធ្វើកោសល្យវិច័យរួច សពត្រូវបានប្រគល់ឲ្យក្រុមគ្រួសារយកធ្វើបុណ្យតាមប្រពៃណី ៕
ចែករំលែកព័តមាននេះ