ខេត្តឧត្តរមានជ័យ ៖ ក្មេងប្រុសទើបតែអាយុ១០ឆ្នាំម្នាក់រត់លេងនៅកន្លែងទំនប់បង្ហៀទឹក ដែលគេហៅថា បឹងទំនប់ថ្មី ស្រាប់តែរអិលជើងធ្លាក់ចូលទៅក្នុងទឹកជ្រៅលង់ស្លាប់បាត់បង់ជីវិត ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោង២រសៀល ថ្ងៃទី១០ កញ្ញា ២០១៨ស្ថិតក្នុងភូមិគោកសំព័រ…
ខេត្តឧត្តរមានជ័យ ៖ ក្មេងប្រុសទើបតែអាយុ១០ឆ្នាំម្នាក់រត់លេងនៅកន្លែងទំនប់បង្ហៀទឹក ដែលគេហៅថា បឹងទំនប់ថ្មី ស្រាប់តែរអិលជើងធ្លាក់ចូលទៅក្នុងទឹកជ្រៅលង់ស្លាប់បាត់បង់ជីវិត ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោង២រសៀល ថ្ងៃទី១០ កញ្ញា ២០១៨ស្ថិតក្នុងភូមិគោកសំព័រ ឃុំលំទង ស្រុកអន្លង់វែង។
ក្មេងប្រុសរងគ្រោះខាងលើឈ្មោះ ហឿន ចៃ អាយុ១០ឆ្នាំ មានឪពុកចិញ្ចឹមឈ្មោះ ហុក ហុង អាយុ៤៤ឆ្នាំ មុខរបរជាមន្ត្រីរាជការស្រុកអន្លង់វែង និងម្តាយចិញ្ចឹមឈ្មោះ នួន ថាន អាយុ៤៤ឆ្នាំ រស់នៅភូមិថ្នល់ទទឹង ឃុំអន្លង់វែង ស្រុកអន្លង់វែង។
យោងតាមការឱ្យដឹងពីប៉េអឹមស្រុកអន្លង់វែង ឱ្យដឹងថា មុនកើតហេតុឪពុកម្តាយក្មេងប្រុសរងគ្រោះនៅពេលទំនេរពីការងារនោះក៏នាំកូនៗទៅលេងបឹងទំនប់ថ្មី ខណៈទៅដល់កូនរបស់គាត់នាំគ្នារត់លេងនៅចំណុចទំនប់បង្ហៀនោះ ស្រាប់ក្មេងប្រុសរងគ្រោះរអិលជើងធ្លាក់ចូលទៅក្នុងទឹកជ្រៅកំពុងតែហូរកួចខ្លាំងនោះ ក៏កួចយកក្មេងរងគ្រោះបាត់ស្រមោលតែម្តង ចំណែកឪពុកម្តាយចិញ្ចឹម ព្រមទាំងអ្នកភូមិនាំគ្នាជួយរុករកដែរ តែរកមិនឃើញនៅឡើយទេ៕
ចែករំលែកព័តមាននេះ