ខេត្តព្រះសីហនុ ៖ សេចក្តីរាយការណ៍ឱ្យដឹងថា កាលពីវេលាម៉ោង៣រសៀលថ្ងៃទី១០ កញ្ញា កម្លាំងសមត្ថកិច្ចនគរបាលខេត្តព្រះសីហនុបានបង្ក្រាប និងចាប់ឃាត់ខ្លួនជនជាតិ៤នាក់ ពាក់ព័ន្ធករណីបង្ខាំងមនុស្សខុសច្បាប់និងធ្វើទារុណកម្ម បង្កឡើងដោយជនជាតិចិនដូចគ្នា ដែលហេតុការណ៍បានកើតឡើងនៅបន្ទប់លេខ៤០៦…
ខេត្តព្រះសីហនុ ៖ សេចក្តីរាយការណ៍ឱ្យដឹងថា កាលពីវេលាម៉ោង៣រសៀលថ្ងៃទី១០ កញ្ញា កម្លាំងសមត្ថកិច្ចនគរបាលខេត្តព្រះសីហនុបានបង្ក្រាប និងចាប់ឃាត់ខ្លួនជនជាតិ៤នាក់ ពាក់ព័ន្ធករណីបង្ខាំងមនុស្សខុសច្បាប់និងធ្វើទារុណកម្ម បង្កឡើងដោយជនជាតិចិនដូចគ្នា ដែលហេតុការណ៍បានកើតឡើងនៅបន្ទប់លេខ៤០៦ ជាន់ទី៤ក្នុងកាស៊ីណូខ្សាច់មាស ស្ថិតនៅក្រុមទី១៥ ភូមិ៤ សង្កាត់៤ ខេត្តព្រះសីហនុ ។
ករណីខាងលើនេះ ជនសង្ស័យ ទី១-ឈ្មោះ WU TAOTAO ភេទប្រុស អាយុ៣០ឆ្នាំ មុខរបរមិនពិតប្រាកដ កាន់លិខិតឆ្លងដែនលេខៈ E៤៧១១០៧៨៣ ស្នាក់នៅជាន់ទី៤ នៃកាស៊ីណូខ្សាច់មាស បន្ទប់លេខ ៤០៩ ស្ថិតនៅភូមិ៤ សង្កាត់៤ខេត្តព្រះសីហនុ ។ ២-ឈ្មោះ WU XIONG BO ភេទប្រុស អាយុ៣៣ឆ្នាំ មុខរបរមិនពិតប្រាកដ កាន់លិខិតឆ្លងដែនលេខៈ E១៨៤៨៥៥៨៨ ស្នាក់នៅជាន់ទី៤ នៃកាស៊ីណូខ្សាច់មាស បន្ទប់លេខ៤០៩ ស្ថិតនៅភូមិ៤ សង្កាត់៤ ខេត្តព្រះសីហនុ ។ ៣-ឈ្មោះ WU XUXIANG ភេទប្រុស អាយុ ២៧ឆ្នាំ មុខរបរមិនពិតប្រាកដ កាន់លិខិតឆ្លងដែនលេខ E៨៩៦៨៤៣២៧ ស្នាក់នៅជាន់ទី៤ នៃកាស៊ីណូខ្សាច់មាស បន្ទប់លេខ៤០៩ ស្ថិតនៅភូមិ៤ សង្កាត់៤ ខេត្តព្រះសីហនុ ។ ៤-ឈ្មោះ REN JIHU ភេទប្រុស អាយុ ២៩ឆ្នាំ មុខរបរ មិនពិតប្រាកដ កាន់លិខិតឆ្លងដែនលេខៈ E៤៥៣៧០៣៤៨ ស្នាក់នៅជាន់ទី៤ នៃកាស៊ីណូខ្សាច់មាស បន្ទប់លេខ៤០៩ ស្ថិតនៅភូមិ៤ សង្កាត់៤ ខេត្តព្រះសីហនុ ។
ដោយឡែក វត្ថុតាងចាប់យកមានពិលឆក់ចំនួន ២គ្រឿង រថយន្ត១គ្រឿង ម៉ាក LEXUS RX៣០០ ពណ៌ស ស្លាកលេខ ភ្នំពេញ 2A-៥០១០ ។ ចំណែកជនរងគ្រោះមានគ្នា២នាក់ ម្នាក់ឈ្មោះ CHEN TI ភេទប្រុស អាយុ៣៦ឆ្នាំ មុខរបរភ្ញៀវទេសចរ កាន់លិខិតឆ្លងដែនលេខៈ ED៦៦៨០៨៤២ ស្នាក់នៅសណ្ឋាគារដើមត្នោត ភូមិ៤ សង្កាត់៤ ខេត្តព្រះសីហនុ រងរបួសបែកមាត់ ស្នាមដាច់រលាត់ខ្នង និងគ្រេចឆ្អឹងខ្នង ( រងរបួសមធ្យម ) ។ និងម្នាក់ឈ្មោះ DAI YANYING ភេទស្រី អាយុ ៤៤ឆ្នាំ មុខរបរភ្ញៀវទេសចរកាន់លិខិតឆ្លងដែនលេខៈ ED៦៦៨៩៣៨២ ស្នាក់នៅសណ្ឋាគារដើមត្នោត ភូមិ៤ សង្កាត់៤ ខេត្តព្រះសីហនុ។
តាមសមត្ថកិច្ចឲ្យដេងថា ករណីខាងលើនេះ កើតឡើងដោយសារជនរងគ្រោះបានធានាលុយចំនួន១០០,០០០យាន់ ( ដប់ម៉ឺនយាន់ ) ពីក្រុមជនសង្ស័យ ដើម្បីឲ្យមិត្តភក្តិយកទៅលេងល្បែងសុីសងនៅកាស៊ីណូឆាងយូ ។
ពេលលេងចាញ់អស់មិត្តភក្តិរបស់ជនរងគ្រោះ គ្មានលុយសងឲ្យក្រុមជនសង្ស័យវិញ ពេលនោះជនសង្ស័យបានចាប់ជនរងគ្រោះ ឃុំឃាំងក្នុងបន្ទប់ហើយធ្វើទារុណកម្ម វាយធ្វើបាប និងប្រើពិលឆក់ ដើម្បីបង្ខំឲ្យជនរងគ្រោះសរសេរលិខិតជំពាក់ប្រាក់ ។ ជនសង្ស័យត្រូវបានកម្លាំងសមត្តកិច្ចនគរបាលការិយាល័យព្រហ្មទណ្ឌកម្រិតស្រាលខេត្ត កំពុងសាកសួរយកចម្លើយ ដើម្បីបន្តនីតិវិធី ៕
ចែករំលែកព័តមាននេះ