ខេត្តក្រចេះ ៖ សេចក្តីរាយការណ៍ឱ្យដឹងថា សត្វគោញី-ឈ្មោលចំនួន៩ក្បាលក្នុងចំណោមជាង៧០ក្បាល ដែលម្ចាស់បានចងក្នុងក្រោលខាងក្រោយភូមិប្រកាច់ងាប់ភ្លាមៗ ក្រោយរន្ទះបាញ់លាន់ឮកក្រើកដី ខណៈមេឃមានភ្លៀង និងខ្យល់បក់ខ្លាំងនៅរសៀលថ្ងៃទី១០ កញ្ញា នេះ…
ខេត្តក្រចេះ ៖ សេចក្តីរាយការណ៍ឱ្យដឹងថា សត្វគោញី-ឈ្មោលចំនួន៩ក្បាលក្នុងចំណោមជាង៧០ក្បាល ដែលម្ចាស់បានចងក្នុងក្រោលខាងក្រោយភូមិប្រកាច់ងាប់ភ្លាមៗ ក្រោយរន្ទះបាញ់លាន់ឮកក្រើកដី ខណៈមេឃមានភ្លៀង និងខ្យល់បក់ខ្លាំងនៅរសៀលថ្ងៃទី១០ កញ្ញា នេះ ស្ថិតក្នុងភូមិវឌ្ឍនៈ ស្រុកសំបូរ ប្រកាច់ងាប់យ៉ាងរដូករណែលទាំងខ្សែចំណង ។
នាយប៉ុស្តិ៍នគរបាលឃុំវឌ្ឍនៈ លោកអនុសេនីយ៍ត្រី ញ៉ែម សិដ្ឋ បានឱ្យដឹងថា គោទាំងនេះ មានម្ចាស់ឈ្មោះ យ៉ុន សុខា អាយុ៤៨ឆ្នាំ ជាកូនរបស់លោកមេឃុំ ដែលមានចិញ្ចឹមគោច្រើនជាងគេនៅក្នុងភូមិខាងលើ ។លោកបន្តថា ក្នុងហេតុការណ៍រន្ទះបាញ់នេះ ក្រៅពីគោញី-ឈ្មោល៩ក្បាលបានងាប់ភ្លាមៗ គឺមិនបណ្តាលឱ្យមនុស្សរងគ្រោះថ្នាក់នោះទេ ។
គួររំលឹកថា កាលពីខែសីហា ឆ្នាំ២០១៦ ស្ថិតក្នុងស្រុកសំបូរ ក៏ធ្លាប់កើតមានករណីរន្ទះបាញ់សម្លាប់សត្វគោម្តងរួចមកហើយ ។ ដោយកាលណោះ គឺមានគោញីឈ្មោលចំនួន១៤ក្បាល ក្នុងចំណោមហ្វូងគោជាងចំនួនជាង៣០ក្បាល របស់ម្ចាស់ឈ្មោះម៉ុត ពឿង អាយុ ៥៤ឆ្នាំ រស់នៅភូមិអូរតាណឹង ឃុំក្បាលដំរី ស្រុកសំបូរ។
ចែករំលែកព័តមាននេះ