រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា មានបុរសម្នាក់សង្ស័យបែកថ្នាំបានទៅលោតទឹកពីលើស្ពានម៉ាឡេ ដែលស្ថិតនៅភូមិមិត្តភាព សង្កាត់ឬស្សីកែវ ខណ្ឌឬស្សីកែវ តែត្រូវប្រជាពលរដ្ឋដែលឃើញហេតុការណ៍បានជួយទាន់បង្កឱ្យមានការភ្ញាក់ផ្អើលកាលពីវេលាម៉ោង៣និង៣០នាទីរសៀលថ្ងៃទី១០ ខែកញ្ញា ឆ្នាំ២០១៨ នេះ ។
តាមសេចក្តីរាយការណ៍បានឱ្យដឹងទៀតថា បុរសដែលបែកថ្នាំមកលោតទឹកពីលើស្ពានម៉ាឡេនោះមានឈ្មោះ ម៊ុយ ធូ អាយុ៤២ឆ្នាំ មានទីលំនៅសង្កាត់អូរឬស្សី១ ខណ្ឌ៧មករា ដោយបុរសរូបនោះត្រូវបានគេអះអាងថា បែកថ្នាំ ហើយមុនពេលកើតហេតុបុរសខាងលើមានប៉ុនប៉ង់លោតសម្លាប់ខ្លួនពីលើផ្ទះជាន់ទី១ម្តងរួចមកហើយតែមិនបានសម្រេច ក្រោយមកក៏ធ្វើដំណើរមកលើស្ពានម៉ាឡេលោតទឹកសម្លាប់ខ្លួន តែត្រូវអ្នកឃើញហេតុការណ៍ចេញទូកទៅជួយសង្គ្រោះទាន់ពេលវេលា ។
ក្រោយពីស្រង់បុរសលោតទឹកពីលើស្ពានម៉ាឡេរូបនោះរួចមកសមត្ថកិច្ចបានបញ្ជួនខ្លួនបុរសខាងលើទៅកាន់ស្នាក់ការប៉ុស្តិ៍នគរបាលឬស្សីកែវដើម្បីទាក់ទងបងប្អូនមកទទួលត្រឡប់ទៅផ្ទះវិញផងដែរ ៕
https://www.youtube.com/watch?v=MloNz9uX0Yg
ចែករំលែកព័តមាននេះ