សហរដ្ឋអាមេរិក-កូរ៉េខាងជើង ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី៩ កញ្ញា បានអបអរសាទរចំពោះព្យុហយាត្រាយោធាធំកូរ៉េខាងជើង នាឱកាសខួបលើកទី៧០ នៃការបង្កើតសាធារណរដ្ឋ ប្រជាមានិតប្រជាធិបតេយ្យកូរ៉េប្រព្រឹត្តទៅកាលពីថ្ងៃទី៩ កញ្ញា ដោយគ្មានមីស៊ីលនុយក្លេអ៊ែរ។
លោកត្រាំថ្លែងថា នោះជាសារខ្លាំង និងវិជ្ជមានបំផុតមួយពីសំណាក់កូរ៉េខាងជើង។អរគុណហើយលោកប្រធានាធិបតីគីម។
ក្បួនព្យុហយាត្រាយោធាដ៏ធំមួយត្រូវបានរៀបចំធ្វើ ដើម្បីអបអរសាទរដល់ទិវាបង្កើតសាធារណរដ្ឋប្រជាមានិតប្រជាធិបតេយ្យកូរ៉េកាលពីឆ្នាំ១៩៤៨។ នាឱកាសនៃព្យុហយាត្រាយោធានេះបណ្ដាមីស៊ីលបាលីស្ទិកអន្តរទ្វីបពុំត្រូវបានបង្ហាញឡើយ។
យោងតាម AFP មានតែមីស៊ីលរយៈខ្លី និងបណ្ដារថក្រោះវាយលុកប៉ុណ្ណោះត្រូវបានបង្ហាញ។ សារអបអររបស់លោកត្រាំនោះអាចពង្រឹងទំនាក់ទំនងរបស់លោក ជាមួយមេដឹកនាំកូរ៉េខាងជើងលោកគីមជុង អ៊ុន ហើយនឹងជួយសម្រួលដល់មាគ៌ាសន្តិភាព និងការរំសាយនុយក្លេអ៊ែរ៕
ចែករំលែកព័តមាននេះ