ប្រទេសរុស្ស៊ី ៖ មនុស្សជាច្រើនរយនាក់ ត្រូវចាប់ខ្លួនកាលពីថ្ងៃទី៩ កញ្ញា នៅរុស្ស៊ី នាឱកាសនៃបាតុកម្មប្រឆាំងការកែទម្រង់លើការចូលនិវត្តន៍ ខណៈពលរដ្ឋនាំគ្នាទៅបោះឆ្នោតមូលដ្ឋាននិងតំបន់ រួមទាំងការបោះឆ្នោតរើសអភិបាលក្រុងមូស្គូផងដែរ។
ប៉ូលិសនាថ្ងៃទី៩ កញ្ញា បានចាប់ខ្លួនមនុស្សយ៉ាងតិច៨៣៩នាក់ ពិសេសនៅទីក្រុងសាំងប៉េទ័រស្បួរ ជាទីក្រុងធំទី២ របស់ប្រទេស ព្រមទាំងនៅទីក្រុង EKATTERINBOURG តំបន់អ៊ូរ៉ាល់។ បាតុកម្មទាំងនោះក្នុងប្រទេសត្រូវបានអាជ្ញាធរហាមឃាត់។ ហើយបាតុកម្មធ្វើឡើងតាមការអំពាវនាវរបស់មេដឹកនាំប្រឆាំងសំខាន់លោកអាឡិច សីណាវ៉ាល់នី ដែលទទួលទោសជាប់គុក៣០ថ្ងៃពីបទធ្វើសកម្មភាពតវ៉ានានាកាលពីខែមករា។
យោងតាមអាជ្ញាធររុស្ស៊ី ថា ពួកអ្នកគាំទ្រលោកណាវ៉ាល់នី ជាច្រើនសិបនាក់ត្រូវប៉ូលិសចាប់ខ្លួនរយៈពេលប៉ុន្មានថ្ងៃចុងក្រោយនេះ ខណៈក្រុមហ៊ុនអាមេរិក GOOGLE ក្រោមការគាបសង្កត់របស់ក្រុងមូស្គូ បានដកចេញពី YOUTUBE ការអំពាវនាវឲ្យធ្វើបាតុកម្មដែលក្រុមលោកបានចេញផ្សាយ។ អាជ្ញាធរនិយាយថាចង់ឲ្យមានបរិយាកាសស្ងប់ស្ងាត់នាឱកាសបោះឆ្នោត៕
ចែករំលែកព័តមាននេះ